LEXO PA REKLAMA!

SHKARKO APP

E fundit!

x

Albin Kurti, në Selinë e Shenjtë/ Takon Papa Françeskun

22 Qershor 2023, 15:16, Kosova & Bota CNA
Albin Kurti, në Selinë e Shenjtë/ Takon Papa Françeskun
Kryeministri i Kosovës Albin Kurti takon Papa Françeskun

Kryeministri i Republikës së Kosovës, Albin Kurti, gjatë vizitës së tij në Vatikan sot, u prit nga kreu i Selisë së Shenjtë, Papa Françesku.

Kryeministri Kurti ka shprehur falënderimin e tij për mikpritjen nga Papa Fraçesku, të cilin e ka njoftuar për përcaktimin e Kosovës për paqe, dialog dhe bashkëpunim, thuhet në njoftimin e Zyrës së kryeministrit të Kosovës.

Gjithashtu, kryeministri Kurti ka biseduar me Papa Françeskun “për rininë dhe ardhmërinë, për figurën, veprën dhe trashëgiminë e Nënës Terezë, për Letnicën e Vitisë ku asaj i erdhi thirrja për devocion, dhe për bashkëjetesën multifetare në Kosovë”.

“Kryeministri më tej e njoftoi Atin e Shenjtë edhe për suksesin demokratik dhe ekonomik të vendit, dhe për arritjet e qeverisjes së deritanishme”, thuhet në njoftim.

Kurti e ka ftuar Papa Françeskun që ta vizitojë Kosovën, pas rikuperimit të shpejtë dhe të mirë nga operacioni kirurgjik që ai kishte së fundmi.

Kjo ishte vizita e parë zyrtare e kryeministrit Kurti në Vatikan dhe takimi i parë i tij me Atin e Shenjtë, Papa Françeskun./ REL

Lajmet e fundit nga