web counter
LEXO PA REKLAMA!

SHKARKO APP

App Store
Google Play

E fundit!

x

Agjencia Britanike e Krimit godet bandat e trafikut të emigrantëve/ Fushata në rrjetet sociale

24 Korrik 2024, 09:23, Kosova & Bota CNA

Agjencia Britanike e Krimit godet bandat e trafikut të emigrantëve/

Autoritetet britanike kanë ndërmarrë një tjetër hap për goditjen e bandave të organizuara që përmes platformave sociale reklamonin kalimin në Kanalin Anglez me gomone. 

"Sky News" raporton se ka nisur një fushatë në rrjetet sociale ku janë hequr nga platformat sociale rreth 12 mijë postime që reklamojnë udhëtimet me varka për në Mbretërinë e Bashkuar nga grupet kriminale, mes tyre edhe shqiptarë.

"Agjencia Kombëtare e Krimit (NCA) ka shtuar përpjekjet për të përçarë bandat e organizuara që përdorin platforma 'online' për të rekrutuar emigrantë për të kaluar Kanalin me varka të vogla", raporton "SkyNews". 

Rreth 3,300 postime, faqe ose llogari u hoqën ose u pezulluan deri në prill të vitit 2023, ndërsa gjatë një fushate gjatë muajve të fundit janë hequr 9,000 postime, një total prej pothuajse 12,000 deri në fund të qershorit.

Kreu i Agjencisë Kombëtare të Krimit për kërcënimet e krimit të organizuar të emigracionit, Dan Barcroft, tha: “Mediat sociale janë kyçe për mënyrën se si funksionojnë këto grupe të krimit të organizuar, kështu që fshirja e tyre ka një efekt të drejtpërdrejtë në ndërprerjen e operacioneve dhe aktivitetit të tyre kriminal”./CNA 

 

 





Lajmet e fundit nga