web counter
LEXO PA REKLAMA!

SHKARKO APP

App Store
Google Play

13 vite pas lirisë/ Haradinaj: Një fitore jo vetëm për mua, por për të gjithë luftën

29 Nëntor 2025, 17:33, Kosova & Bota CNA

13 vite pas lirisë/ Haradinaj: Një fitore jo vetëm për mua,

Kreu i AAK-së, Ramush Haradinajt me anë të një postimi në rrjetet sociale ka thënë se sot shënohet përvjetori i lirisë së tij.

Në reagimin e tij, Haradinaj shprehet se pas 13 vitesh e kujton aktvendimin e pafajësisë si një fitore për të gjithë luftën çlirimtare.

Kreu i AAK-së thotë se lufta e tij për të vërtetën ka zgjatur po aq sa lufta për lirinë.

 

 

Statusi i Haradinajt

 

Të dashur qytetarë,

Sot shënoj një ditë që për mua ka gjithmonë një peshë të veçantë, përvjetorin e lirisë sime dhe vulosjen përfundimtare të së drejtës së luftës sonë çlirimtare.

Më 17 nëntor 2004, edhe pse luftëtar i lirisë në tokën time, u ftova për herë të parë nga Gjykata e Hagës. Ajo ditë shënoi fillimin e një rrugëtimi të gjatë ligjor, i cili zgjati deri më 29 nëntor 2012. Edhe pse u shpalla i pafajshëm në gjykimin e parë, vite më pas u ftova në rigjykim, për ta vërtetuar edhe një herë të vërtetën tonë.

Sot, 13 vite më pas, e kujtoj atë aktvendim të pafajësisë si një fitore jo vetëm për mua, por për të gjithë luftën tonë çlirimtare. Lufta ime për të vërtetën zgjati po aq sa lufta për liri, dhe në të dyja këto beteja dola fitimtar.

Gjatë çdo hapi, në çdo vendim e në çdo veprim timin, jam kujdesur që Kosovës t’i sjell vetëm fitore dhe nder. Asnjëherë nuk kam lëvizur nga kjo detyrë, as në luftë e as në paqe.

Falënderoj gjithë ata që nuk humbën besimin në mua dhe në pafajësinë time e mu gjenden pranë në të gjitha mënyrat!/CNA





Lajmet e fundit nga