E fundit!

09:44 Politikë

Triumfoi ndaj Boçit në garën për nënkryetar/ Mesazhi i Këlliçit pas fitores

Belind Këlliçi është zgjedhur nënkryetar i PD me 177 vota,...

Mbi 3.7 miliardë euro të investuara nga BE-ja në Kosovë nga 1999

28 Nëntor 2025, 20:52, Kosova & Bota CNA

Mbi 3.7 miliardë euro të investuara nga BE-ja në Kosovë nga

Zyra e Bashkimit Europian në Kosovës ka njoftuar se që nga viti 1999, BE-ja ka investuar në Kosovë 3.7 miliardë euro.

Prej përfundimit të luftës në vitin 1999, Bashkimi Europian ka qenë ndër partnerët kryesorë të Kosovës në ndërtimin e institucioneve, zhvillimin ekonomik dhe rrugën drejt integrimit evropian.

Gjatë këtyre 25 viteve, BE-ja ka investuar mbi 3.7 miliardë euro, duke mbështetur sektorë të ndryshëm që prekin drejtpërdrejt jetën e qytetarëve.

Sipas njoftimit të Zyrës së Bashkimit Europian në Kosovë, këto fonde janë përdorur për zhvillimin e ekonomisë, forcimin e sundimit të ligjit, përmirësimin e arsimit dhe kujdesit shëndetësor, si dhe për infrastrukturë, mbrojtjen e mjedisit dhe energjinë e qëndrueshme.

Në komunikatën e saj, BE-ja e ka cilësuar Kosovën si një partner me të cilin ndan vizionin për paqe, stabilitet dhe prosperitet në rajon, duke theksuar se ndihma financiare ka ndikuar në përmirësimin e kushteve të jetesës dhe në afrimin e vendit me standardet evropiane.

“Me 3.7 miliardë euro të investuara në Kosovë që nga viti 1999, BE-ja është ofruesi më i madh i ndihmës financiare dhe partneri juaj më i fortë dhe më i besueshëm. BE-ja po ndihmon në zhvillimin e ekonomisë, forcimin e sundimit të ligjit, përmirësimin e cilësisë së arsimit, kujdesit shëndetësor dhe infrastrukturës, përparimin e mbrojtjes së mjedisit dhe energjisë së qëndrueshme dhe promovimin e kulturës ”, thuhet në njoftim.

Bashkimi Europian vlerëson se investimet e deritashme kanë sjellë rezultate të prekshme, si ndërtimi i rrugëve dhe shkollave të reja, mbështetja për sistemin gjyqësor dhe programet arsimore, por edhe nxitja e bizneseve të vogla dhe inovacionit.

Në njoftim po ashtu theksohet se mbështetja do të vazhdojë, me synim që Kosova të ecë drejt reformave të qëndrueshme dhe anëtarësimit të plotë në strukturat europiane.

“Në çdo hap, BE-ja është përkrah jush, duke mbështetur progresin dhe duke ofruar mundësi për një të ardhme më të ndritur për të gjithë qytetarët e Kosovës”./Monitor