web counter
LEXO PA REKLAMA!

SHKARKO APP

App Store
Google Play

Zbulohet foleja e prostitucionit në Durrës/ Tri shtetase në pranga

2026-04-27 13:46:00, Kronika CNA

Zbulohet foleja e prostitucionit në Durrës/ Tri shtetase në

Një ambient i marrë me qira, i përshtatur për shfrytëzim prostitucioni, është zbuluar në lagjen nr.1 në qytetin e Durrësit. Në pranga janë vënë organizatorja e kësaj veprimtarie dhe 2 shtetase kolumbiane.

Gjithashtu janë proceduar penalisht edhe 3 shtetas për prostitucion. Në cilësinë e provës materiale u sekuestruan 3 pasaporta të shtetaseve të arrestuara, një shumë parash e dyshuar e përfituar nga prostitucioni, 1 leje drejtimi dhe 3 celularë.

Njoftimi i policisë:

Durrës

Finalizohet operacioni policor i koduar “Storm 18”.

Kishte marrë me qira një ambient në lagjen nr. 1, Durrës, duke e përshtatur dhe shfrytëzuar për prostitucion, vihet në pranga organizatorja e kësaj veprimtarie dhe 2 shtetase kolumbiane.

Procedohen penalisht edhe 3 shtetas për prostitucion.

Specialistët e Seksionit për Hetimin e Trafiqeve, së bashku me Forcën e Posaçme Operacionale, finalizuan operacionin policor të koduar “Storm 18”, i ndjekur me metoda speciale të hetimit për një periudhë 1-mujore.

Në kuadër të operacionit u bë arrestimi në flagrancë i shtetases kolumbiane M. L., 26 vjeçe.

Gjithashtu, u arrestuan në flagrancë për ushtrim prostitucioni shtetaset A. G., 33 vjeçe dhe B. A., 26 vjeçe, të dyja shtetase kolumbiane.

Gjithashtu, u proceduan në gjendje të lirë 3 shtetas, për veprën penale “Prostitucioni”.

Në cilësinë e provës materiale u sekuestruan 3 pasaporta të shtetaseve të arrestuara, një shumë parash e dyshuar e përfituar nga prostitucioni, 1 leje drejtimi dhe 3 celularë.

Nga veprimet hetimore të kryera rezultoi se shtetasja M. L., prej një muaji, kishte marrë një apartament me qira në lagjen nr. 1, Durrës, të cilin e kishte përshtatur me qëllim ushtrimin e prostitucionit nga dy shtetase të tjera kolumbiane.

Gjithashtu, kjo shtetase ka ushtruar edhe vetë aktivitetin e prostitucionit në këtë ambient.

Materialet procedurale iu kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës. /CNA





Lajmet e fundit nga