web counter
LEXO PA REKLAMA!

SHKARKO APP

App Store
Google Play

Vrasja e Liridona Ademajt/ Gazetari: Do të gjykohet nga një prokurore serbe

2023-12-13 10:18:00, Kosova & Bota CNA

Vrasja e Liridona Ademajt/ Gazetari: Do të gjykohet nga një prokurore

Vrasja e Liridona Ademjat do të hetohet nga prokurorja serbe Javorka Perlinçeviç.

Këtë lajm e ka bërë të ditur gazetari Vullnet Krasniqi në një intervistë në Euroneës Albania.

Sipas gazetarit ky fakt është shumë shqetësues pasi dosja e hetimit është bërë në gjuhën shqipe dhe nuk dihet se sa kohë do t’i duhet prokurores të njihet me çështjen.

Ndër të tjera tha se çështja do të gjykohet në Prishtinë dhe se prokurorja serbe do të shoqërohet nga përkthyesi.

“Është shqetësuese se si ky rast kaq i rëndë i një rëndësie të tillë i është lënë në dorë një prokuroreje e cila pritet të dalë shumë shpejt në pension. Kjo tregon joseriozitetin në Kosovë me të cilën prokuroria e ka trajtuar këtë. Ky rast i ka kaluar prokurores serbe në bazë të radhitjes, pas ndonjë diskutim të mëparshëm se kush është më e afta. Dosja e hetimit deri më tani është bërë në gjuhën shqipe, nuk e dimë se sa kohë do duhet që prokurorja të njihet me çështjen. Çështja do të gjykohet në Prishtinë dhe prokurorja serbe do shoqërohet nga përkthyesi”,tha gazetari.

Vullnet Krasniqi tha se prokurorja nuk njihej për trajtimin e ndonjë rasti të madh përveç vrasjes së një personi te nënkalimi në Prishtinë.

Aty një i dyshuar pas një sulmi fizik, e kishte shtyrë shkallëve viktimën, i cili nga goditjet kishte vdekur. Prokurorja serbe e kishte cilësuar veprën si “Vrasje nga pakujdesia”. I dyshuari ishte dënuar me 4 vjet e 8 muaj burg./ CNA





Lajmet e fundit nga