web counter
LEXO PA REKLAMA!

SHKARKO APP

App Store
Google Play

Gjermania drejt legalizimit të kanabisit

2022-10-26 20:09:00, Kosova & Bota CNA
Gjermania drejt legalizimit të kanabisit
Foto ilustruese

Gjermania po planifikon legalizimin e kanabisit.

Ministri i Shëndetësisë së Gjermanisë ka zbuluar sot planet të legalizuar blerjen dhe posedimin e sasive të vogla të kanabisit për përdorim rekreativ, por edhe për prodhim.

Ministri Karl Lauterbach tha se do të lejohej marrja dhe zotërimi i 20 deri në 30 gram kanabis rekreativ për konsum personal.

Kjo do ta bënte Gjermaninë një nga vendet e para në Evropë që legalizon kanabisin.

Berlini do të kontrollojë me komisionin ekzekutiv të Bashkimit Evropian nëse plani i miratuar nga qeveria gjermane është në përputhje me ligjet e BE-së dhe do të vazhdojë me legjislacionin "mbi këtë bazë" vetëm nëse merr dritën jeshile.

Lauterbach tha se rregullat e reja mund të shërbejnë si "një model për Evropën" dhe ato nuk do të hyjnë në fuqi përpara vitit 2024.

“Plani kërkon që kanabisi të rritet me licencë dhe t'u shitet të rriturve në pikat e licencuara për të luftuar tregun e zi. Individët do të lejohen të rritin deri në tre bimë dhe të blejnë ose të posedojnë 20 deri në 30 gram marihuanë”, tha ai. 

Ai u shpreh se “mbrojtja më e mirë e të rinjve dhe shëndetit” janë synimet kryesore të propozimit të qeverisë.

Lauterbach deklaroi se Gjermania nuk dëshiron të imitojë modelin e praktikuar prej kohësh nga Holanda, fqinji veriperëndimor i Gjermanisë.

Ndërkohë, kujtojmë se plani i legalizimit të kanabisit vjen nga një seri reformash të përshkruara në marrëveshjen e koalicionit të vitit të kaluar midis tre partive social liberale në qeverinë e kancelarit Olaf Scholz. Ata ranë dakord në atë kohë që "efektet sociale" të legjislacionit të ri do të shqyrtoheshin pas katër vjetësh./ B.A. – CNA.al





Lajmet e fundit nga