LEXO PA REKLAMA!

SHKARKO APP

App Store
Google Play

Eksportet gjermane u rritën papritur me rihapjen e Kinës

2023-06-05 08:55:00, Ekonomi CNA

Eksportet gjermane u rritën papritur me rihapjen e Kinës

Sipas të dhënave të publikuara këtë të hënë, eksportet gjermani janë rritur në muajin prill pas dërgesave në Kinë.

Eksportet gjermane u rritën me 1.2% krahasuar me muajin e kaluar, tha zyra federale e statistikave. Një sondazh i Reuters kishte parashikuar një rënie nga muaji në muaj prej 2.5%.

Eksportet në Kinë u rritën me 10.1%, ndërsa eksportet në SHBA u rritën me 4.7% dhe eksportet në Bashkimin Evropian u rritën me 4.5%, sipas të dhënave.

Importet ranë me 1.7% krahasuar me muajin mars, kundrejt pritjeve të analistëve për një rënie prej 1.0%.

Bilanci i tregtisë së jashtme tregoi një suficit prej 18.4 miliardë euro (19.68 miliardë dollarë) në prill, nga 14.9 miliardë euro një muaj më parë.

Pavarësisht rritjes së eksporteve në muajin prill, perspektiva mbetet e errët.

"Shtypja e përkohshme në eksportet në Kinë do të zbehet me kalimin e kohës," tha kreu global i makro të ING Carsten Brzeski, për Reuters. Ai shtoi se eksportet në Kinë gjithashtu do të pësonin rënie për shkak të ndryshimeve gjeopolitike.

Një sondazh i Ifo-s tregon se eksportet gjermane në Maj ranë në nivelin më të ulët që nga nëntori 2022.

"Ekonomisë së eksportit gjerman i mungon vrulli," tha Klaus Wohlrabe, kreu i sondazheve në Ifo./ CNA.al

Lajmet e fundit nga