web counter
LEXO PA REKLAMA!

SHKARKO APP

App Store
Google Play

E fundit!

x

Endrit Shabani “kapet mat”/ Nga frika fshin ambasadën britanike

2023-03-08 10:08:00, Denoncim CNA

Endrit Shabani “kapet mat”/ Nga frika fshin ambasadën britanike

CNA.al dy ditë më parë, pas një vëzhgimi dhe investigimi të plotë solli një denoncim në lidhje me shkeljen e ligjit për partitë politike, ku Endrit Shabani, kreu i Nismës Thurje, dikur një nga aktivistët e dështuar të Aleancës Kuq e Zi, reklamonte një Akademi Politike, ku sipas tij ishte sponsor një fondacion dhe Ambasada Britanike.

CNA më pas iu referua ligjit për partitë politike, i cili me nenin 21 e ndalonte financimin partive politike u ndalohet nga qeveri të huaja.

Endrit Shabani “kapet mat”/ Nga frika fshin ambasadën britanike

Ambasada është përfaqësi e një shteti të huaj dhe nuk mundet kurrsesi në bazë të ligjit për partitë politike të japë fonde për Akademi të partive politike. Mund të financohen ekspertë, nisma, akte të tjera, marrëveshje, projekte siç janë reformat në Drejtësi, Administrative e të tjera, por jo një parti politike.

Kjo është në shkelje të ligjit. Këtë e përcakton qartazi dhe Kodi Zgjedhor. Endrit Shabani thotë se është financuar nga Ambasada Britanike.

CNA.al e pyeti Endritin, ky i fundit na ironizoi dhe sa se nuk e njihnin ligjin, nuk kishte asnjë shkelje ligji, e për më tepër theksoi se nuk ishin në fushatë elektorale, ndërkohë që ligji është i qartë, ndalohet në çdo moment finacimi, jo vetëm në kohën e fushatave dhe së dyti Endrit Shabani ishte një kandidat i shpallur për kryetar bashkie, ishte një njeri që së bashku me Nismën Thurje po mblidhte firmat për partinë e tij për të garuar në zgjedhjet lokale të 14 majit.

Por, nuk mjaftoi denoncimi jonë, kërceu nga belaja i shkreti Shaban, i cili e mban veten dhe për intelektual të madh, modern dhe vizionar të ri edhe pse me një mentalitet të vjetër që kur kapet mat vazhdon me ironi dhe intrigat e tij, ai iu drejtua gazetarit Elvi Fundo në lidhje me raportimin që ne i kishim bërë këtij rasti, apo reklamimin në rrjetet sociale, siç bëjmë me çdo investigim dhe në asnjë rast nuk tha se ishte një gabim nga ana e tij, njerëzor ose jo dhe si qëndronte e vërteta e këtyre fondeve që ai kishte shkruar.

Por ka bërë një hile tjetër, 20 orë më parë nga ky moment që ne publikojmë shkrimin, Endrit Shabani e ka ndryshuar postimin e tij, e ka hequr mbështetjen e fondacionit dhe ambasadës britanike, por ka lënë thjeshtë dhe vetëm mbështetjen e fondacionit.

Endrit Shabani “kapet mat”/ Nga frika fshin ambasadën britanike
Njofttimi i parë nga Endrit Shabani, ku financuese rezulton edhe Ambasada britanike

Endrit Shabani është kapur mat, është kapur duke gënjyer publikisht, u ka bërë thirrje të rinjve të shkojnë në një Akademi që e financon edhe një fondacion nga ambasada britanike. Tashmë ambasadën britanike e ka hequr.

Endrit Shabani “kapet mat”/ Nga frika fshin ambasadën britanike
Njoftimi para 20 orësh, ku Endrti Shabani heq nga financuesit, Ambasadën britanike

CNA.al i është drejtuar me shkresa zyrtare ambasadës si dhe KQZ-së në lidhje me rastin konkret për Nismën Thurje dhe Endrit Shabanin, shkeljen e ligjit nga ana e tij dhe çuarjen përpara organeve përgjegjëse, ligjzbatuese për këtë rast skandaloz, i cili do të ishte një precedent shumë i keq për politikën shiptare, kuptohet në thesin e atyre problematikave që kanë zgjedhjet në Shqipëri.

Për më tepër, Endrit Shabani pretendonte se nuk kishte shkelur ligjin, reklamonte ambasadën britanike, ia ka fshirë emrin asaj, më pas ka harruar t’ja heqë logon sepse e ka ende logon e ambasadës në foto dhe nga ana tjetër Shabani pretendonte se të gjitha partitë këtë punë bënin.

Në fakt, është krejt e kundërta, fondacionet që bashkëpunojnë partitë shqiptare, janë fondacione të partive simotra të huaja. Pra, Shabani sot është “kapur mat” duke mashtruar.

A mund të bësojmë një gënjeshtar si Shabani, i cili i ka bërë ftesë të rinjve në emër të ambasadës britanike dhe më pas kësaj të fundit i fshin emrin?/CNA.al





Lajmet e fundit nga