web counter
LEXO PA REKLAMA!

SHKARKO APP

App Store
Google Play

Siguria kombëtare është kërcënuar/ Nard Ndoka: Skandali që implikon institucionet dhe Qeverinë

2022-09-20 19:52:00, Aktualitet CNA
Siguria kombëtare është kërcënuar/ Nard Ndoka: Skandali
Kreu i Partisë Demokristiane, Nard Ndoka

Prokuroria ndaloi dje publikimin e materialeve që nxorën hakerat nga e-maili i ish-drejtorit të Policisë së Shtetit, Gledis Nanos me pretendimin se cënojnë sigurinë, ndërsa kryeministri Edi Rama ishte shprehur me parë se hakerat nuk kanë marrë asnjë informacion që mund të cënojë sigurinë e njerëzve dhe të vendit.

Por përtej deklaratave kontradiktore të prokurorisë dhe kryeministrit, kreu i Partisë Demokristiane, Nard Ndoka, e sheh rrjedhjen e të dhënave si kërcënim të sigurisë kombëtare.

Në një prononcim për CNA.al, Ndoka tha se të dhënat tona personale dhe kombëtare janë në duart e hakerave dhe kujtdo që është i interesuar për t’i blerë.

Për këtë ai bëri përgjegjës institucionet, Qeverinë dhe kompaninë që merrej me menaxhimin e sistemeve.

“Siguria kombëtare është kërcënuar në mënyrë të frikshme, të dhënat tona personale, por edhe kombëtare tashmë janë në duart e hakerave dhe kujtdo që është i interesuar për t’i blerë.

Ky është skandal që implikon institucionet tona, Qeverinë dhe kompaninë që mori miliona nga taksat tona për t’i garantuar këto sisteme.

Prokuroria duhej të hapte proces hetimi për daljen e të dhënave nga patronazhistët, duke i parandaluar edhe këto sulme të tanishme të hakerave.

Kryeministri në vend që të jetë transparent me publikun, po e zhyt në kaos të gjithë sistemin informatik dhe të dhënat konfidenciale të qytetarve”, theksoi kreu i PDK-së./ B.A. – CNA.al





Lajmet e fundit nga