web counter
LEXO PA REKLAMA!

SHKARKO APP

App Store
Google Play

E fundit!

x

Prokurori i Dibrës ngeci në vetting/ KPA gjen menjëherë zëvendësuesin

2024-02-27 14:06:00, Aktualitet CNA
Prokurori i Dibrës ngeci në vetting/ KPA gjen menjëherë
Prokurori i Dibrës, Urim Buci

Prokurori i Dibrës, Urim Buci një ditë më parë ngeci në vetting pasi komisionerja Irena Nino hodhi dyshime për pasurinë dhe për konflikt interesi.

Sa i përket pasurisë, komisionerja evidentoi një tokë arë dhe një godinë 3-katëshe me papafingo. Ajo tha se kishte deklarime kontradiktore lidhur me vlerën e ndërtimit dhe burimet e përdorura.

Pas këtij shkarkimi, KPA ka vendosur caktimin e përkohshëm të prokurorit Abaz Muça si drejtues për një afat 3 mujor, në Prokurorinë pranë Gjykatës së Shkallës së Parë të Juridiksionit të Përgjithshëm Dibër

"I mbledhur me urgjencë sot në datën 27.02.2024 ora 12.30, KPA vendosi caktimin e përkohshëm të prokurorit Abaz Muça si drejtues për një afat 3 mujor, në Prokurorinë pranë Gjykatës së Shkallës së Parë të Juridiksionit të Përgjithshëm Dibër. Ky vendim u mor pas shkarkimit dje nga KPA-ja të drejtuesit Urim Buci" thuhet në njoftimin e KLP-së.

Kujtojmë se Urim Buci u konfirmua me shumicë votash më 27 prill 2023, por vendimi u ankimua në Kolegjin e Posaçëm të Apelimit mbi bazën e një rekomandimi të Operacionit Ndërkombëtar të Monitorimit./ CNA





Lajmet e fundit nga