web counter
LEXO PA REKLAMA!

SHKARKO APP

App Store
Google Play

Përplasjet në protestën para Parlamentit/ PD: Dënojmë dhunën e ushtruar ndaj protestuesve

2026-07-02 15:38:00, Aktualitet CNA

Përplasjet në protestën para Parlamentit/ PD: Dënojmë

Partia Demokratike ka bërë një reagim zyrtar lidhur me përplasjet e regjistruara ditën e sotme në protestën para Parlamentit.

Në deklaratë dënohet dhuna e ushtruar ndaj protestuesve, ndërsa thuhet se policia përdori “lëndë toksike, gaz lotsjellës të skaduar, lëndë piroteknike, topat e ujit, zvarritjen”.

Më tej shtohet se dhjetëra protestues u morën forcërisht për t'u transferuar në qelitë e komisariateve.

Deklarata e plotë:

Partia Demokratike ndoqi sot me shqetësimin më të madh, skenat e dhunës shtazarake të urdhëruar nga Edi Rama dhe Taulant Balla ndaj protestuesve paqësorë që kishin rrethuar parlamentin.

Me urdhër të Edi Ramës, sot narkopolicia përdori lëndë toksike, gaz lotsjellës të skaduar, përdori spray ariu, lëndë piroteknike, topat e ujit, zvarritjen, përgjakjen e protestuesve paqësorë me një egërsi të papërmbajtur.

Partia Demokratike deklaron se me këto akte, Edi Rama dhe organizata e tij kriminale, shpërfaqin para shqiptarëve moralin dhe fytyrën e tyre kriminale të vërtetë.

Dëshmuan se janë të aftë dhe të gatshëm, të ndërmarrin çdo krim dhe çdo akt për të mbrojtur karrigen e tyre.

Me dhjetëra e dhjetëra protestues u morën forcërisht dhe me dhunë për t'u transferuar në qelitë e komisariateve.

Edhe një herë, kërkojmë lirimin e menjëhershëm, të të gjithë të ndaluarve, protestues paqësorë që po protestonin në përputhje me të drejtën e tyre kushtetuese dhe Konventën Europiane të të Drejtave të Njeriut.

Dënojmë me forcën më të madhe dhunën e egër të ushtruar ndaj tyre dhe u bëjmë thirrje qytetarëve shqiptarë, të bashkohen, të solidarizohen, të mbështesin me të gjithë potencialet e tyre suksesin e pandalshëm të lëvizjes rinore qytetare më të fuqishme që ka njohur vendi nga vitet '90. /CNA





Lajmet e fundit nga