web counter
LEXO PA REKLAMA!

SHKARKO APP

App Store
Google Play

Fluks emigrantësh në pikat kufitare/ Balla: Po ndjekim orë pas ore situatën

2023-12-23 13:39:00, Aktualitet CNA
Fluks emigrantësh në pikat kufitare/ Balla: Po ndjekim orë pas
Foto ilustruese

Në pikat kufitare ka patur një fluks emigrantësh që presin të hyjnë në Shqipëri teksa ndodhemi në prag të festave të fundvitit.

Ministri i Brendshëm Taulant Balla ka reaguar duke deklaruar se po ndjekin situatën orë pas ore në pikat ekalimit kufitar me Greqinë dhe Maqedoninë e Veriut (Kakavijë, Kapshticë, Qafëthanë) ku në momente të caktuara krijohen radhë të mjeteve që presin të hyjnë në Shqipëri.

“Gjatë festave shumë bashkëatdhetarë dhe turistë të shumtë vijnë në Shqipëri për të festuar Krishtlindjen dhe ndërrimin e viteve.

Po ndjekim orë pas ore situatën në pikat e kalimit kufitar me Greqinë dhe Maqedoninë e Veriut (Kakavijë, Kapshticë, Qafëthanë) ku në momente të caktuara krijohen radhë të mjeteve që presin të hyjnë në Shqipëri kryesisht.

Dëshiroj të falenderoj kolegët ministra të Greqisë dhe Maqedonisë së Veriut përkatësisht Giannis Oikonomou dhe Oliver Spasovski, me të cilët sapo kam komunikuar, për gatishmërinë dhe bashkëpunimin në shtimin e sporteleve dhe punonjësve të policisë në pikat e kontrollit kufitar.

 Nuk paraqiten vonesa të shumta në pikat e tjera të kalimit me Kosovën dhe Malin e Zi, por vijojmë të ndjekim dhe aty flukset”, shkruan ministri./ CNA





Lajmet e fundit nga