E fundit!

09:53 Aktualitet

FOTO+VIDEO/ Qytetari ngre shqetësime për gjendjen në Bënjë

Në redaksinë e CNA ka mbërritur një denoncim nga një qytet...

Turizmi natyror, vizitorët në zonat e mbrojtura u rritën me 10%

7 Maj 2025, 19:45, Ekonomi CNA

Shqiptarët duket se po preferojnë gjithmonë e më shumë natyrën për t’u relaksuar teksa edhe interesi i të huajve gjithashtu shfaqet me rritje.

Të dhënat e fundit zyrtare për ecurinë e turizmit në vend publikuar nga Ministria e Turizmit dhe Mjedisit tregojnë se ndryshe nga turizmi kulturor që ishte me tkurrje në muajt e parë të vitit ai natyror shënoi rritje në raport me një vit më parë në nivelin 10 për qind.

“Të dhënat nga Agjencia Kombëtare e Zonave të Mbrojtura, tregojnë se gjatë muajit shkurt 2025 kemi 272,658 vizitorë vendas dhe të huaj, që kanë vizituar zonat tona të mbrojtura. Gjatë këtij muaji vihet re një rritje prej 10% krahasuar me muajin shkurt të vitit 2024. Rritje të ndjeshme ka numri i vizitorëve në qarkun e Gjirokastrës” raportoi Ministria në statistikat e saj zyrtare.

Janë disa kategori zonash të mbrojtura në vend që kanë pasur frekuentim nga vizitorët vendas dhe të huaj. Kështu kategoria e Parqeve Kombëtare ka 13 zona të cilat janë vizituar nga 54,489 vizitorë, prej tyre 74,4 % janë vizitorë vendas dhe 15.6% vizitorë të huaj.

Numri më i madh i vizitorëve për këtë kategori është në Parkun Kombëtar të Divjakës-Karavasta (38,9% ) dhe e dyta për nga vizitueshmëria këtë muaj është Alpet e Shqipërisë (19,3%) dhe më pas është Mali i Dajtit (16,9%).

“Në kategorinë Monumentet e Natyrës, janë të shpallura 30 zona, të cilat gjatë muajit shkurt kanë pasur vizitorë vetëm në 23 prej tyre, Numri i vizitorëve në Monumentet e Natyrës gjatë këtij muaji është 24,978 vizitorë.

Nga këta 88% janë vizitorë vendas dhe 12% vizitorë të huaj. Vizitorët me numrin më të madh janë në Monumentin e Natyrës Sarisalltik të Krujës (25,2% e vizitorëve), e cila ndiqet nga Shpella e Shënandoit (15%)” thuhet në publikim.

Po kështu në kategorinë Peizazh i Mbrojtur përfshihen 8 zona, por për muajin shkurt 2025, ka pasur vizitorë vetëm në 7 zona. Numri i vizitorëve për këtë kategori gjatë shkurtit 2025 është 72,534, nga ku 71,5 % e vizitorëve janë shqiptarë dhe 28,5 % shtetas të huaj

Vizitorët me numrin më të madh janë në Peizazhin e Mbrojtur të Liqenit të Pogradecit (85,4%), të ndjekur nga vizitorët në Lumin Buna e Nartë Pishë Poro.

Turizmi në tërësi pritet që të ketë një ecuri të mirë edhe këtë vit pavarësisht luhatjeve që ka treguar nga muaji në muaj dhe një tkurrjeje të lehtë në mars që operatorët parashikojnë të rikuperohet në vijim./ Revista Monitor