web counter
LEXO PA REKLAMA!

SHKARKO APP

App Store
Google Play

Konferenca e V-të e Muzeut të Bankës/ Guvernatori Sejko: Fokus në rolin e bankave qendrore dhe historinë ekonomike në shek. XIX-XXI

11 Qershor 2025, 17:13, Ekonomi CNA

Konferenca e V-të e Muzeut të Bankës/ Guvernatori Sejko: Fokus

Guvernatori i Bankës së Shqipërisë, Gent Sejko hapi sot punimet e Konferencës V-të të Muzeut të Bankës së Shqipërisë, me temë “Bankat qendrore dhe historia ekonomike: Reflektime dhe perspektiva” ku marrin pjesë studiues vendas dhe të huaj , si dhe ekspertë nga bankat qendrore të rajonit, për të diskutuar mbi rolin e bankave qendrore dhe historinë ekonomike në shek. XIX-XXI.

Guvernatori Sejko theksoi se duke bërë bashkë historianë, muzeologë, studiues dhe ekonomistë në këtë konferencë shkëmbejmë këndvështrime të reja mbi mënyrën si evoluojnë institucionet monetare, si vendimmarrja monetare formëson rezultatet dhe si fitohet e ruhet besueshmëria.

Kjo konferencë nuk studion vetëm të kaluarën, ajo synon të parashtrojë edhe pyetjet e duhura për të ardhmen.

Konferenca e V-të e Muzeut të Bankës/ Guvernatori Sejko: Fokus

Guvernatori nënvizoi se rruga e Shqipërisë drejt integrimit në BE ka qenë një shtyllë qendrore e reformave institucionale dhe ekonomike. Banka e Shqipërisë luan një rol tepër të rëndësishëm në këtë proces, duke përafruar politikat dhe praktikat e saj me standardet evropiane me synim forcimin e qëndrueshmërisë, transparencës dhe reziliencës së nevojshme për anëtarësim.

Sejko u shpreh se me vështrimin drejt së ardhmes, përkushtimi ynë mbetet i palëkundur: të forcojmë gatishmërinë institucionale, të thellojmë bashkëpunimin rajonal dhe të sigurojmë që sistemi financiar i Shqipërisë të jetë i përgatitur për të përballuar sfidat dhe për të përfituar nga mundësitë e një të ardhmeje të integruar evropiane./CNA





22:52 Ekonomi

Mbingarkimi me taksa

Është e vështirë të ndiesh keqardhje për dikë që mburret m...

Lajmet e fundit nga