web counter
LEXO PA REKLAMA!

SHKARKO APP

App Store
Google Play

E fundit!

x

FMN, kritika qeverisë/ "Bëni reforma më ambicioze, pensionet duhet të mbulojnë shpenzimet"

26 Nëntor 2024, 16:07, Ekonomi CNA

FMN, kritika qeverisë/ "Bëni reforma më ambicioze, pensionet

Fondi Monetar Ndërkombëtar ka kritikuar qeverinë në lidhje me pensionet dhe shpenzimet e larta.

Me anë të një deklarate, FMN ka deklaruar se rritja e presioneve afatgjata mbi shpenzimet do të kërkojë reforma edhe më ambicioze.

FMN është shprehur se pensionet duhet të ndihmojnë në zbutjen e presioneve mbi shpenzimet.

Sa u përket bonuesve, Fondi Monetar Ndërkombëtar ka theksuar se rritjet e tyre duhet të bëhen të përhershme.

“Rritja e presioneve afatgjata mbi shpenzimet do të kërkojë reforma edhe më ambicioze. Stafi i FMN-së vlerëson një rritje të shpenzimeve publike prej rreth 10 pikësh përqindje të PBB-së gjatë 25 viteve të ardhshme, shkaktuar kryesisht nga pensionet, kujdesi shëndetësor dhe përshtatja klimatike. Reformat e tregut të punës dhe pensioneve, përfshi rritjen e mbulimit dhe pjesëmarrjes së të punësuarve në sistemin e pensioneve, do të jenë të nevojshme për të ndihmuar në zbutjen e këtyre presioneve mbi shpenzimet. Rritjet e përkohshme në bonuset e pensionit duhen bërë me kujdes, duke pasur parasysh rrezikun që ato të bëhen të përhershme. Mbështetja për familjet në nevojë kanalizohet më mirë përmes skemave të mirësynuara të ndihmës sociale. Reforma më ambicioze për të ardhurat afatgjata – për shembull, për uljen e pabarazisë në trajtimin tatimor të disa sektorëve të ekonomisë, si bujqësia – mund ta ndihmojnë Shqipërinë të arrijë potencialin e saj të plotë në të ardhurat tatimore”, ka nënvizuar FMN.

Kjo deklaratë ka ardhur pasi ekipi i Fondit Monetar Ndërkombëtar për Shqipërinë përfundoi vizitën e mbajtur në Tiranë në datat 13-21 nëntor, në kuadër të Nenit IV./ CNA





Lajmet e fundit nga