web counter
LEXO PA REKLAMA!

SHKARKO APP

App Store
Google Play

E fundit!

x

BERZH miraton kredinë 30 mln euro për linjën hekurudhore Durrës-Rrogozhinë

16 Shtator 2024, 21:58, Ekonomi CNA

BERZH miraton kredinë 30 mln euro për linjën hekurudhore

Kredia për rehabilitimin e linjës hekurudhore Durrës – Rrogozhinë parashikohet të miratohet më 20 nëntor të këtij viti nga Banka Evropiane për Rindërtim dhe Zhvillim.

Huaja prej 30 mln eurove do të përdoret për rehabilitimin dhe elektrifikimin e linjës hekurudhore, që ka një gjatësi prej rreth 34 km. Kosto totale përllogaritet në 120.5 mln euro, ndërkohë që projekti do të bashkëfinancohet nga Banka Evropiane e Investimeve dhe nga Bashkimi Evropian, që ka akorduar një grant prej 62 milionë euro përmes Kornizës së Investimeve të Ballkanit Perëndimor (“WBIF”).

Parashikohet që trenat e linjës hekurudhore të kenë një shpejtësi 120 kilometra/orë. Segmenti Durrës – Rrogozhinë është pjesë e linjës hekurudhore Durrës – Pogradec, që parashikohet të lidhet me Maqedoninë e Veriut, në fshatin Lin. Ai është pjesë e korridorit VIII hekurudhor, që lidh Portin e Durrësit në Shqipëri me Maqedoninë e Veriut dhe portet e Detit të Zi të Bullgarisë.

Ky korridor është përfshirë në rrjetin kryesor të transporit transeuropian, i njohur si TEN T, duke i dhënë prioritet financimit të tij./CNA





19:36 Ekonomi

Kurthi i pagave

Përshpejtimi i ritmeve të rritjes së pagave vitin e fu...

Lajmet e fundit nga