web counter
LEXO PA REKLAMA!

SHKARKO APP

App Store
Google Play

E fundit!

x

Banka e Shqipërisë nuk ndryshon normën e interesit

18 Dhjetor 2024, 17:31, Ekonomi CNA
Banka e Shqipërisë nuk ndryshon normën e interesit
Guvernatori i Bankës së Shqipërisë, Gent Sejko

Banka e Shqipërisë ka lënë të pandryshuar normën bazë të interesit për lekun në 2.75.

Kjo u konfirmua nga Guvernatori i Bankës së Shqipërisë, Gent Sejko, nëpërmjet një deklarate për mediat, ku ai foli për vendimmarrjen e politikës monetare për muajin dhjetor 2024

“Këshilli Mbikëqyrës i Bankës së Shqipërisë vendosi:

· të mbajë të pandryshuar normën bazë të interesit, në nivelin 2.75%;

· të mbajë të pandryshuar normën e interesit të depozitës njëditore, në nivelin 1.75%;

· të mbajë të pandryshuar normën e interesit të kredisë njëditore, në nivelin 3.75%.

Këshilli Mbikëqyrës gjykon se kushtet monetare aktuale janë të përshtatshme për kthimin e inflacionit në objektiv gjatë viti të ardhshëm, dhe ofrojnë një premisë të mirë për respektimin e inflacionit në horizontin afatmesëm.

Këshilli Mbikëqyrës vëren se balanca e përgjithshme e presioneve afatmesme po afrohet gradualisht drejt objektivit tonë të inflacionit në afatin e mesëm. Në këtë kontest, ai thekson se vendimet e ardhshme të politikës monetare do të vijojnë të kushtëzohen nga informacioni i ri, dhe në veçanti nga analizat dhe vlerësimet mbi ecurinë e presioneve të brendshme inflacioniste. Këto vendime do të jenë gjithnjë në përputhje me objektivin tonë të stabilitetit të çmimeve, si dhe konsistente me kahun e politikës fiskale dhe ecurinë e kursit të këmbimit”, u shpreh ai.

Sejko tha se ekonomia ndodhet në një mjedis pozitiv, inflacioni ka rënë, ndërsa punësimi ka pësuar rritje. Ai deklaroi se ky trend pritet të shënojë përmirësim në vijim./ CNA





Lajmet e fundit nga