E fundit!

08:16 Kosova & Bota

Parlamenti i Hungarisë voton për shkarkimin e presidentit nga detyra

Parlamenti i Hungarisë ka miratuar shkarkimin e Presidenti...

Polici i merr patentën qytetarit/ Zhduket bashkë me dokumentin

3 Mars 2023, 22:09, Denoncim CNA

“Stop” shkoi në Elbasan për problemin e qytetarit Armando Kreka, të cilit, në datën 14 Shkurt 2023 një polic i mori patentën pas një debati verbal.

“Kam ndaluar këtu sepse kisha një shërbim tek ky dyqani. Pashë që një polic po vinte nga mbrapa, por nuk mendova se ishte ndaj meje. Sa hyra te dyqani, dëgjova që më tha që hiqe motorin. I thashë 1 minutë sepse do iki direkt. Gabimi mendohet të jetë këtu që kam parkuar dysh. Ok, e pranoj. Ka ardhur duke bërtitur që pse flet ti kështu mua, pse më drejtohesh në këtë mënyrë. Më pas po ngrinte zërin, mori çelësin e motorit edhe tha, ti bërtet mua kështu, ta tregoj unë. Mori patentën, thashë po marr dokumentet e motorit dhe po vij sërish”.

Kur ai shkoi të marrë dokumentet e motorit nuk e gjeti më policin. Pyeti patrullat në komisariat dhe nuk gjendet as patenta dhe nuk identifikohet as polici.

“Erdha pas 30 minuta, pyeta një patrullë dhe tha nuk e kemi marrë ne. Unë nuk e di tani se kush e ka marrë. Lexonte policia dhe me një xhaketë me zinxhirë”.

Për javë, Armando ka bërë kërkimet e tij dhe rrezikon të humbasë punën, pasi shpërndan porosi me motor.

Punonjësja: Tani, më sqaro saktë, se atë ditë më kanë ça dërrasat në telefon

Denoncuesi: Ja ta them unë nga e para! Punoj në piceri, çova një porosi te dyqani, vjen ky polici dhe më thotë “hiqe motorin nga aty” dhe i thashë “ja një minutë, se po iki”.

Punonjësja: Nga inati të thotë “më jep dokumentet”, siç e kemi zakon ne.

Denoncuesi: Dakord! Merr patentën! Po iki të marr dokumentet dhe po vij. Kur erdha s’po e gjeja dot. Pyeta një patrullë, Jo tha, s’ta kam marrë unë.

Punonjësja: Po nuk e pe policin, ça kishte veshur?

Denoncuesi: Si kjo, që është te dera, vetëm xhaketë me zinxhir.

Punonjësja: Epo është oficer atëherë. Jo me jelek me ngjyrë të kuqe, të verdhë ose blu?

Denoncuesi: Jo, me jelek. Vetëm me xhaketë!

Punonjësja: Tashi s’po e gjemë ne, që po pyesim, do e gjesh ti. Ça të them unë?!

Punonjësi 2: Se juve edhe ua marrin, edhe ju ndalojnë dhe nuk pyesni, e mbani mend, se kush është! Policë, janë 400 vetë këtu.

“Stop” komunikoi me zëdhënësen e Drejtorisë Vendore të policisë Elbasan dhe në më pak se 24 orë u gjet patenta dhe e telefonuan të shkonte e ta merrte.

“Pas raportimit të problemit tim nga ana juaj, në më pak se 24 orë erdhi telefonata që të rikthehem për të marrë patentën këtu.

Patentën e mora sërish dhe mund të vazhdoj punën që kisha. Faleminderit juve si Stop që zgjidhët problemin tim. Për policin nuk më dhanë ndonjë shpjegim, por mendoj se çdo gjë është ok, në rregull, nuk ka ndonjë shqetësim më mbrapa”, tha ai. /tvklan.al