web counter
LEXO PA REKLAMA!

SHKARKO APP

App Store
Google Play

E fundit!

x

"Ping-pongu" me financimet/ Ndërtimi i inceneratorit të Tiranës dhe refuzimet e Ministrisë së Financave

7 Gusht 2023, 12:36, Denoncim CNA

"Ping-pongu" me financimet/ Ndërtimi i inceneratorit të

CNA ka zbardhur 16 faqet e para të akuzës së SPAK për inceneratorin e Tiranës.

Në akuzën e SPAK, të dorëzuar në Gjykatën e Posaçme të Shkallës së Parë, tregohet “ping pong”-u me financimin e ndërtimit të landfillit dhe inceneratorit të Tiranës.

Ministria e Financave ka refuzuar 6 herë kërkesën për ndërtimin e inceneratorit të Tiranës dhe këtë fakt e ka përmendur në një deklaratë për mediat edhe ish-kryeministri Sali Berisha.

Kreu i PD-së tha se Shkëlqim Cani dhe Arben Ahmetajn nuk pranuan të miratojnë ndërtimin e inceneratorit pasi e shihnin si një kërkesë krejtësisht të papërballueshme nga pikëpamja financiare.

Ai theksoi se në ndryshimin e qëndrimit të ministrisë së Financave, pati rol vendimtar falsifikimi dhe mashtrimi i kryebashkiakut të Tiranës, Erion Velliaj, se bashkia do të përballonte shpenzimin për fondin prej 91 milionë eurosh.

“Vapa e gushtit ra, por flakët e djegësit të Tiranës që nuk ekziston bëhen gjithnjë e më përcëlluese. Të dhëna autentike, zyrtare, origjinale faktojnë se Erion Veliaj është autori më kryesor së bashku  me Edi Ramën i vjedhjes së shekullit me inceneratorin e Tiranës.

Këto të dhëna të cilat disponohet plotësisht edhe nga Prokuroria Speciale dëshmojnë se, jo një, por gjashtë herë Ministria e Financave fillimisht Shkëlqim Cani dhe më vonë Arben Ahmetaj kanë refuzuar kërkesën e përsëritur prej gjashtë herësh të ndërtimit të djegësit të Tiranës, si një kërkesë krejtësisht e papërballueshme nga pikëpamja financiare, gjë të cilën e konfirmon me përgjegjësi të plotë para një viti edhe Kontrolli i Lartë i Shtetit.

Janë të gjitha datat: 28 shtator 2016, 27 nëntor, 7 dhjetor i po të njëjtit vit, 27 dhjetor të 2016 në të cilat Ministria e Financave ka shprehur disaprovimin e saj të plotë për djegësin e Tiranës. Përveç këtyre, data 1 shkurt, 21 shkurt, pra janë edhe këto data të kërkesave dhe të refuzimit të Ministrisë së Financave për projektin e vjedhjes së shekullit që është Inceneratori i Tiranës.

Në ndryshimin e qëndrimit, të cilin unë nuk e mbroj, nuk pranoj se ndryshimi i qëndrimit të Ministrisë së Financave duhet të ndodhte, por në ndryshimin e qëndrimit, rol vendimtar ka patur falsifikimi dhe mashtrimi i Erion Velliajt, se bashkia do të përballonte shpenzimin për fondin prej 91 milionë eurosh”, theksoi Berisha./ CNA.al





Lajmet e fundit nga