web counter
LEXO PA REKLAMA!

SHKARKO APP

App Store
Google Play

E fundit!

x

Shtyhet seanca paraprake/ Flet nëna e të miturit që u vra nga bashkëmoshatari

10 Mars 2025, 14:23, Aktualitet CNA

Shtyhet seanca paraprake/ Flet nëna e të miturit që u vra nga

Gjykata e Tiranës vendosi sot shtyrjen e seancës paraprake për vrasjen e 14-vjeçarit M. C., që mbeti viktimë e sherrit vetëm 200 metër larg shkollës “Fan Noli” në Tiranë.

Shkak për shtyrjen e seancës u bë mungesa e shokut të tij, që mbeti i plagosur.

Të pranishëm në seancë ishin edhe dy prindërit e viktimës, Engjell dhe Florina Cani. E ëma tha për gazetarët se seancat duhet të mbahen me dyer të hapura, që djali i saj të bëhet simbol për fëmijët e tjerë.

“Dua që drejtësia të vendoset në vend. Unë flas si nënë, dua dhe do luftoj për drejtësi”, -ka deklaruar nëna e 14-vjeçarit të ndjerë.

Seanca e radhës u caktua më 27 mars, ora 13:30.

Kujtojmë se vrasja e të miturit ndodhi më 18 nëntor 2024 në Tiranë, nga një bashkëmoshatar, vetëm 200 metër larg shkollës “Fan Noli” në Tiranë. Ngjarja ndodhi 3 ditë pas një konflikti mes dy adoleshentëve brenda shkollës, për motive banale, i cili në atë ditë dukej sikur u mbyll, por rinisi në ditën kur ndodhi edhe ngjarja tragjike./CNA





Lajmet e fundit nga