E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Taksa e re e karbonit e implementuar nga BE/ Karakaçi: Kjo politikë e gjen Shqipërinë të përgatitur

23 Prill 2026, 16:50, Aktualitet CNA

Ministri i Infrastrukturës dhe Energjisë, Enea Karakaçi ka qenë i pranishëm në Ministerialin për Energjinë që është organizuar në Mal të Zi.

Ministri u shpreh se një problematikë që ngritën të gjithë shtetet e Ballkanit Perëndimor, në takim është taksa e re e karbonit e implementuar nga BE, që nënkupton që çdo prodhim energjie elektrike jo e rinovueshme në vendet e rajonit do të taksohet shtesë nga Bashkimi Europian.

Sipas tij Karakaçit, kjo është një mundësi shumë e mirë që Shqipëria e para për energjinë e rinovueshme në rajon, të shfrytëzojë këtë potencial dhe të rrisë investimet në energjinë e rinovueshme.

Ai theksoi gjithashtu se kjo politikë e Bashkimit Europian gjen Shqipërinë shumë të përgatitur dhe në një proces më konkurrues me të gjitha vendet e tjera.

“Ky ishte një Forum mjaft i mirë, kishte një bashkëbisedim ndërmjet institucioneve financiare ndërkombëtare, ministreve të Energjisë, por edhe të gjithë aktorëve privat që duan të investojnë në rajon. Edhe një herë u theksua mjaft qartë të gjitha politikat mbështetëse që Qeveria Shqiptare ka realizuar për energjinë e rinovueshme.

Shqipëria vazhdon të jetë kampion në energjinë e rinovueshme nëpërmjet të gjitha skemave mbështetëse të ankandeve, por jo vetëm edhe investimeve që tashmë kanë marrë jetë si në rastin e energjisë fotovoltaike, të cilat janë realizuar pa mbështetje qeveritare dhe vetëm me iniciativë proivate.

Problematikë që ngritën të gjithë shtetet e Ballkanit Perëndimor është taksa e re e karbonit e implementuar nga Bashkimi Europian që nënkupton që çdo prodhim energjie elektrike jo e rinovueshme në vendet e rajonit do të taksohet shtesë nga Bashkimi Europian. Edhe këtu, ky është një oportunitet shumë i mirë që Shqipëria duke qenë kampion i energjisë së rinovueshme në rajon, të shfrytëzojë këtë potencial dhe të rrisë investimet në energjinë e rinovueshme. Kjo politikë e Bashkimit Europian gjen Shqipërinë shumë të përgatitur dhe madje në një proces më konkurrues me të gjitha vendet e tjera”, u shpreh Karakaçi. /CNA