web counter
LEXO PA REKLAMA!

SHKARKO APP

App Store
Google Play

Shuhen zjarret në Mirditë/ Kryebashkiaku Melyshi: Dëme të mëdha në kullota dhe pyje

28 Korrik 2025, 14:25, Aktualitet CNA

Shuhen zjarret në Mirditë/ Kryebashkiaku Melyshi: Dëme të

Pas më shumë se një jave përpjekjesh intensive është arritur të shuhet plotësisht zjarri që u përhap nga Shkopeti, duke rrezikuar tri fshatra në territorin e Bashkisë Mirditë.

Kryetari i Bashkisë Mirditë, Albert Melyshi, deklaroi se dëmet e shkaktuara në ekonominë pyjore janë të konsiderueshme, por falë angazhimit të vazhdueshëm në terren është bërë i mundur shpëtimi i pronës së qytetarëve.

"Bashkia Mirditë ka kaluar një situatë të vështirë nga zjarret si në qershor dhe në korrik, por sidomos ditët e fundit. Gjithmonë situata e verës është problematike e sidomos në Mirditë ku ka shumë zonë pyjore. Këtë vit kemi pasur mbi 35 raste të zjarreve. Situata më e vështirë ishte këtë javë ku zjarri erdhi nga Shkopeti. Dëmet janë të mëdha pasi janë djegur sipërfaqe të mëdha pyjore, por fatmirësisht u arrit të shuhen, ndërkohë që po monitorohen në rast riaktivizimi dhe jemi në gatishmëri për çdo rast të mundshëm."

Që nga fillimi i muajit qershor, Mirdita është përballur me një situatë të vështirë zjarresh, ndërsa strukturat përgjegjëse vijojnë të mbeten në gatishmëri të lartë për të përballuar çdo problematike të mundshme që mund të krijohet nga temperaturat e larta dhe kushtet e favorshme për përhapjen e flakëve. Vëmendje e veçantë po u kushtohet edhe vatrave që u shuan në mënyrë që të mos riaktivizohen sërish./ CNA





Lajmet e fundit nga