web counter
LEXO PA REKLAMA!

SHKARKO APP

App Store
Google Play

Shuarja e Papa Françeskut/ E shtuna, ditë zie në Shqipëri

24 Prill 2025, 13:16, Aktualitet CNA

Shuarja e Papa Françeskut/ E shtuna, ditë zie në Shqipëri

Këshilli i Ministrave ka vendosur ditën e sotme shpalljen e 26 prillit ditë zie kombëtare, në shenjë respekti për shuarjen e Papa Françeskut.

Në kuadër të shpalljes ditë zie, në të gjitha institucionet flamuri kombëtar do të ulet në gjysmështizë. Gjithashtu u është bërë ftesë të gjitha televizioneve të vendosin muzikë funebre.

 

Vendimi i Këshillit të Ministrave

 

SHPALLJE DITË ZIE KOMBËTARE

Në mbështetje të nenit 100 të Kushtetutës dhe të pikës 4, të nenit 4, të ligjit nr.8926, datë 22.7.2002, “Për formën dhe përmasat e flamurit kombëtar, përmbajtjen e himnit kombëtar, formën dhe përmasat e stemës së Republikës së Shqipërisë dhe mënyrën e përdorimit të tyre”, të ndryshuar, me propozimin e Kryeministrit, Këshilli i Ministrave

V E N D O S I:

1. Shpalljen ditë zie kombëtare ditën e shtunë, datë 26.4.2025, në shenjë dhimbjeje, respekti e mirënjohjeje për Atin e Shenjtë, Papa Françesku, i cili ndërroi jetë pas një sëmundjeje.

2. Në të gjitha institucionet shtetërore dhe publike të ulet flamuri kombëtar në gjysmështizë.

3. Ftohen të gjitha stacionet radiotelevizive, publike dhe private që gjatë ditës së zisë kombëtare të transmetojnë muzikë funebër.

4. Ngarkohen të gjitha institucionet shtetërore dhe publike për zbatimin e këtij vendimi.

Ky vendim hyn në fuqi menjëherë.

Shuarja e Papa Françeskut/ E shtuna, ditë zie në Shqipëri

 





Lajmet e fundit nga