web counter
LEXO PA REKLAMA!

SHKARKO APP

App Store
Google Play

“Sa merr ajo vajza”?/ Rama “zbret” te bizneset, refuzon trahananë në Gjirokastër

19 Tetor 2022, 10:06, Aktualitet CNA

“Sa merr ajo vajza”?/ Rama “zbret” te bizneset, refuzon

Kryeministri Edi Rama nga Përmeti është zhvendosur në Gjirokastër, siç njofton vetë në rrjete sociale.

Duke u fokusuar te turizmi ai ka bërë një bisedë me pronarin e një hoteli në Gjirokastër, i cili ka treguar se ky vit ishte një vit i suksesshëm, pasi kanë pritur shumë turistë.

Për ta mikpritur ai i ka ofruar Ramës, mëngjes me ushqime tradicionale, siç është trahanaja.

Por Rama refuzoi, duke pohuar se ai ha shumë pak.

Biseda mesa Ramës dhe pronarit të hotelit:

Pronari: Ishte një ndërtesë e vjetër. Me shumë punë e përshtatëm. Kam pasur hotel në Gjirokastër më poshtë dhe duke punuar vajtëm 15 vite më turizëm dhe ndërtuam këtë këtu lart. Ne jemi munduar që t’ i qëndrojmë pranë. U munduam dhe ia arritëm. Gjirokastra është plot me turistë dhe këtë vit ka qenë bombë fare. Ka qenë viti më i mbarë, sezoni po zgjat aq shumë sa nuk po pushojmë akoma. Me Bypass-in dhe parkimin do të jetë super fare. Pagat i kemi rritur.

Rama: Sa merr ajo vajza?

Pronari: Ajo merr 350 mijë lekë në muaj, por është studente tani ka ardhur.

Punëtorja: Nuk krahasohet puna si në vendin tënd. Jam në shtëpi me prindërit me njerëzit e tu. Andej mund të paguhem, por jetesa nuk është njësoj. Është më mirë të jem me prindërit sesa të kem lekët dhe mos të kem prindërit afër.

Pronari: Kishim dëshirë që të provonit, trahananë e këto gjerat e tjera të grave gjirokastrite se janë shumë nikoqire.

Rama: Atë e di unë, por unë ha pak unë, ha shumë pak!/CNA.al





Lajmet e fundit nga