web counter
LEXO PA REKLAMA!

SHKARKO APP

App Store
Google Play

Rrëzimi i kërkesës së SPAK për Ballukun/ Ilir Meta nga burgu, kritika për mazhorancën

13 Mars 2026, 18:11, Aktualitet CNA

Rrëzimi i kërkesës së SPAK për Ballukun/ Ilir Meta nga

Kreu i Partisë së Lirisë, Ilir Meta nga burgu ka reaguar ashpër ndaj vendimit të shumicës socialiste për të bllokuar kërkesën e SPAK për heqjen e imunitetit të Belinda Ballukut.

Meta e ka konsideruar këtë vendim si një shkelje të drejtësisë dhe si një shembull të kontrollit politik mbi institucionet e hetimit.

“Si fillimin e vetëdenoncimit publik të Edi Ramës, si armiku i drejtësisë, por edhe pengmarrësi i saj, që nga zgjedhja antikushtetuese me 69 vota e Prokurores së Përgjithshme dhe deri dje.

Pra drejtësia ishte “e shkëlqyer” derisa zbatonte direktivat politike të Edi Ramës nga tribuna e Asamblesë rilindase për të arrestuar Berishën dhe Metën, që ky ta kishte fushën bosh.

Po kështu, drejtëisa ishte e pranueshme për aq kohë sa “godiste” në marrëveshje me Ramën bashkëpunëtorë të tij për çështje anësore ose sekondare me qëllim prodhimin e statistikave për të balancuar persekutimin e paligjshëm të drejtuesve dhe përfaqësuesve të opozitës, si Berisha, Meta, Mediu, Beleri, Salianji apo edhe Bardh Spahia, që thirrej çdo javë para zgjedhjeve në SPAK, për një çështje fare ordinere, ndërsa i pandehuri Benet Beci, drekonte me prokurorë të SPAK.

Por në momentin, që më shumë nga halli se nga vullneti i drejtësisë, i mbetën në dorë patatet e nxehta të AKSHI-t dhe Zv/Kryeministres, ky u kujtua për degradimin e situatës me paraburgimet dhe i vuri kufirin te thana hetimit “inkuizitor”, që bazohej në gjyqet publike para atyre juridike apo te shpallja e fajtorëve bazuar mbi “thashetheme” telefonash.

U kujtua me ndihmën e Hulsiut se Prof. Stavri Çeço, që unë personalisht kam patur nderin ta kem pedagog, paska thënë se kur prokurorët nuk kanë prova mbushin faqe të tëra me muhabete e trillime për të dënuar viktimat.

Dhe ka të drejtë se për të marrë të pandehur Edi Ramën, do mjaftonte vetëm akti zyrtar me firmën e tij ku shpalli fituese me 8% kompaninë e inceneratorëve, që nuk ishte krijuar akoma.

Ose për të vënë para përgjegjësisë penale Z. Veliaj do mjaftonte akti që ai firmosur para 9 vitesh duke shpërdoruar detyrën dhe përvetësuar kompetencat e Këshillit Bashkiak të Tiranës, për të futur në borxh qytetarët e të gjithë Qarkut të Tiranës për të paguar dhe sot e kësaj dite inceneratorin që nuk ekziston (përveçse në 3D).

Por arkitekti i kësaj afere është vetë Edi Rama, ndaj duheshin mbushur kamiona me fashikuj për Veliajn për çështje anësore e sekondare.

I përmend këto 2 akte se jo vetëm janë shumë të thjeshta për t’u kuptuar edhe nga analfabetë, por mos-hetimi i tyre përveçse thellon çdo ditë dëmin e interesit publik, ka goditur rëndë parimin dhe ndjenjën e ligjshmërisë dhe përgjegjësisë të çdo zyrtari të shtetit”, ka deklaruar Meta në një intervistë për mediat nga burgu./ CNA





Lajmet e fundit nga