E fundit!

17:51 Aktualitet

VIDEO/ Trafik i rënduar në aksin Elbasan-Tiranë, mjetet në radhë kilometrike

Aksi Elbasan-Tiranë është përfshirë pasditen e sotme nga t...

"Rama vendos për çdo projekt në Shqipëri"/ Kapri: E ka humbur busullën përderisa denigron protestuesit

1 Korrik 2026, 21:48, Aktualitet CNA

"Rama vendos për çdo projekt në Shqipëri"/

Deputeti i Partisë Mundësia, Erald Kapri ka komentuar mbrëmjen e sotme dërgimin në SPAK të librit “The Albanian Files”.

I ftuar në një emision televiziv, Kapri u shpreh se kryeministri Edi Rama vendos për çdo projekt që bëhet në Shqipëri duke nisur nga arkitekti, te investitori dhe te buxheti.

Ndër të tjera tha se Rama është tashmë një kryeministër që e ka “humbur busullën” përderisa sipas tij po denigron personalisht protestuesit.

Kapri vlerësoi punën e bërë nga SPAK, por sipas tij misioni i tyre historik përfundon me marrjen nën akuzë të kryeministrit.

"Mbasi aktivistët e protestës e çuan në SPAK, unë kam bërë dhe një reagim në lidhje me këtë çështje, kam lexuar me mjaft vëmendje "The Albanian Files". Dhe mora një rast konkret, ishte shumë domethënës. Një nga arkitektët më të njohur në botë, Alejandro Aravena, që është i një studio të njohur kiliane, thoshte në libër: Më ka telefonuar personalisht kryeministri. Që të vij këtu të bëj një projekt. E kuptoni? Ka ardhur zotëria, ka bërë projektin. Rama ka bërë pa konkurs ndërkombëtar, vetë kryetar jurie, dhe ia ka miratuar projektin.

Për kullë 300 metra të lartë në qendër të Tiranës. Pra, kullë 140-300 metra e lartë në Tiranë. Pra, kjo është akuzë e drejtpërdrejtë. Domethënë kryeministri vendos këtu se kush do vijë arkitekti, kush do e fitojë projektin, kush do jetë investitori, do përcaktojë edhe lekët e të gjitha.

Dhe në një nga reagimet që ai pati gjatë konfrontimit që patëm unë dhe kryetari i Partisë Mundësia në parlament me Ramën, ishte pikërisht raporti i tij me drejtësinë dhe ia përmendëm, që ti do përballesh me drejtësinë. Dhe kjo e shqetësonte dhe reagonte, "Pse do përballem unë me drejtësinë" thoshte. Ai duket që është tashmë një kryeministër që e ka humbur busullën e vet përderisa ka arritur deri në fazën që po denigron personalisht protestuesit.

Ku do shkojë më pas kësaj? Kështu që ne presim që drejtësia të bëjë rolin e vet. SPAK-u ka bërë një punë për t'u lavdëruar deri tani me shumë prej dosjeve, por siç e kemi thënë publikisht, e kam thënë dhe këtu në studion tuaj dhe e them sërish, nëse SPAK-u nuk merr nën akuzë Edi Ramën, nuk e ka përfunduar misionin e vet historik. Pra vetëm marrja nën akuzë e kryeministrit realisht do përmbyllte punën", u shpreh Kapri. /CNA