web counter
LEXO PA REKLAMA!

SHKARKO APP

App Store
Google Play

E fundit!

x

“Parlamenti, bunker i fjalës së ndaluar”/ Berisha: Do t'ua themi të vërtetat në sy

16 Shkurt 2023, 11:22, Aktualitet CNA

“Parlamenti, bunker i fjalës së ndaluar”/ Berisha: Do

Kreu i PD-së, Sali Berisha, ka nisur fjalimin e tij, para protestuesve duke deklaruar se parlamenti sot është kthyer në një bunker ku cenohet fjala e lirë e deputetëve që janë zgjedhur nga shqiptarët.

Berisha është shprehur se opozita nuk do të ndalet së thëni të vërtetat në sy, përmes deputetëve që janë brenda në parlament.

"Me këtë protestë, në të cilën ju nuk protestoni për disa deputetë të PD-së, nuk protestoni as edhe për PD-në, por ju protestoni sot këtu jo vetëm për 750 mijë zgjedhësit që votuan për opozitën dhe kundër Edi Ramës, por ju protestoni për çdo shqiptar, që ka në vetëdijen e tij idealet e lirisë.

Ju jeni këtu për çdo shqiptar dhe protestoni për çdo shqiptar se parlamenti duhet të jetë tempulli i demokracisë dhe jo bunkeri i fjalës së ndaluar.

Ju protestoni për çdo shqiptar, i cili beson se aty në parlament, ata që përfaqësojnë opozitën janë për t’ia thënë të vërtetat në sy qeverisë, qoftë edhe qeveria e tyre, por të cilën nuk e kanë votuar për të vjedhur dhe abuzuar dhe shkelmuar fjalën e lirë.

Çfarë ndodh sot? Pse ky parlament, nga tempull i fjalës së lirë, është shndërruar në bunker të fjalës së ndaluar?

E thjeshtë, çdo hajdut që të futet në Shqipëri për të vjedhur, nëse e kapin në flagrancë, tenton edhe të të vrasë po mundi.

Këta në shtëpitë tona nuk futen direkt si banda, por në xhepat tanë, në taksat tona, në të gjitha pasuritë publike tuajat këta vjedhin natën, vjedhin ditën.

Këta i urrejnë qytetarët. A i shihni të takohen me qytetarët? Asnjëherë. Ata vijnë një herë në katër vjet me thasët e mbushur me eurot që jua kanë vjedhur ju.

Ata vijnë me thasët me narkoeuro të siguruara nga bandat e tyre për të blerë votat. Sepse ju konsiderojnë ju, demokratë dhe socialistë, qenie inferiore, qenie të dyta, qenie që janë për të duartrokitur dhe asgjë më shumë.

Ky revolucion nuk është revolucion i PD-së. Në të vërtetë është një lëvizje e fuqishme shqiptare. Është një revolucion shqiptar, i çdo shqiptari, që nuk mund të pajtohet që për të vjedhur taksat tuaja, rruga në Shqipëri të ndërtohet me një çmim 6-10 herë më të shtrenjtë", shprehet Berisha./ CNA.al





Lajmet e fundit nga