web counter
LEXO PA REKLAMA!

SHKARKO APP

App Store
Google Play

Parandalohet ngjarja e rëndë/ Nxirret nga uji 59-vjeçarja që tentoi të mbytet në lumin e Bunës

22 Mars 2026, 11:31, Aktualitet CNA

Parandalohet ngjarja e rëndë/ Nxirret nga uji 59-vjeçarja

Një ngjarje e rëndë është parandaluar në Shkodër, ku është shpëtuar nga mbytja në lumin e Bunës një 59-vjeçare. Sipas informacioneve policore, ajo ishte hedhur për t’u vetëmbytur në ujërat e lumit Buna.

59-vjeçarja është nxjerrë nga uji në gjendje të rëndë por me shenja jete, ndërsa është dërguar në spitalin e Shkodrës për të marë ndihmë mjekësore.

“Punonjësit e Policisë, duke rrezikuar jetën e tyre, janë zhytur në lumin Buna dhe kanë shpëtuar një 59-vjeçare, e cila ishte hedhur për t’u vetëmbytur në ujërat e lumit Buna.

Rreth orës 09:30, në Sallën Operative është marrë njoftim se një shtetase është hedhur në ujërat e lumit Buna. Menjëherë, shërbimet e Patrullës së Përgjithshme të Komisariatit të Policisë Shkodër kanë shkuar në vendngjarje dhe kanë hyrë në ujë, duke bërë të mundur nxjerrjen e 59-vjeçares nga ujërat e lumit Buna, në gjendje të rëndë, por me shenja jete, si dhe i kanë dhënë ndihmën e parë.

Shtetasja V. T., 59 vjeçe, është transportuar me autoambulancë në Spitalin Rajonal Shkodër, për të marrë asistencën e nevojshme mjekësore”, thuhet në njoftimin e policisë. /CNA





Lajmet e fundit nga