web counter
LEXO PA REKLAMA!

SHKARKO APP

App Store
Google Play

Mitsotakis i përgjigjet "flakë për flakë" Ramës: Shpesh i shpëtojnë gjëra që nuk duhet t’i thotë

17 Janar 2026, 12:38, Aktualitet CNA

Mitsotakis i përgjigjet "flakë për flakë"

Deklaratat e kryeministrit Edi Rama, gjatë samitit për “Korridoret e Energjisë për një të Ardhme të Qëndrueshme” në Abu Dhabi më 14 janar, kanë tërhequr reagimin e homologut të tij grek, Kyriakos Mitsotakis.

Gjatë panelit, Rama korrigjoi gazetarin greko-amerikan, John Defterios, për shqiptimin e emrit të tij, duke i shtuar një seri batutash për origjinën e gazetarit dhe duke i bërë referenca filozofike ndaj Platonit dhe Aristotelit. Kjo është interpretuar nga mediat greke si një sulm personal.

"E njoh zotin Rama prej shumë vitesh, ai ka një mënyrë të veçantë për të shprehur veten dhe shumë herë i shpëtojnë gjëra që nuk duhet t’i thotë. Këtë herë tha diçka të pahijshme dhe e kuptoi gabimin e tij. E pranoj korrigjimin, ishte një deklaratë e pafat, është më mirë ta lëmë pas", tha Mitsotakis.

Mitsotakis theksoi se Shqipëria është vend kandidat për në Bashkimin Europian dhe se marrëdhëniet fqinjësore mbeten prioritet.

“Është një vend kandidat për në BE. Z. Rama e di shumë mirë se rruga e Shqipërisë drejt Europës kalon edhe nga Greqia”, tha kryeministri grek. 

Ai u shpreh se është më mirë të kalohen incidentet e tilla, duke shmangur tensionet diplomatike./ CNA

 





Lajmet e fundit nga