web counter
LEXO PA REKLAMA!

SHKARKO APP

App Store
Google Play

E fundit!

x

Miratohet statuti i ri i Akademisë së Shkencave

10 Janar 2024, 12:59, Aktualitet CNA
Miratohet statuti i ri i Akademisë së Shkencave
Foto ilustruese

Asambleja e Akademisë së Shkencave ka miratuar ditën e djeshme statutin e ri të Akademisë. Asambleja u ka dhënë dritën jeshile ndryshimeve të propozuara nga Kryesia, pavarësisht kundërshtimeve. Konkretisht kundërshtime ka pasur nga Aurela Anastasi, Beqir Meta dhe Artan Fuga.

Vendimi ngarkon kryesinë të ndjekë hartimin e projekt-rregulloreve të instituteve/qendrave të përhershme dhe të reflektojë në kreun-shtesë në Statut mendimet e vërejtjet e drejtuesve dhe këshillave shkencore të tyre si dhe të anëtarëve të Asamblesë, deri në muajin tetor 2024, për t’ia paraqitur për miratim përfundimtar asaj.

Sipas statutit të propozuar, “Zgjedhjet e drejtuesve të instituteve dhe të qendrave kërkimore-shkencore sipas këtij statuti bëhen në fund të vitit 2024. Këshillat shkencorë të përkohshëm deri në zgjedhjet e reja dhe drejtorët caktohen nga Kryesia e AShSh-së. Anëtarët e zgjedhur të këshillave shkencorë të deritanishëm vazhdojnë të jenë anëtarë të këshillave shkencorë përkatës.

Drejtuesi i institutit/qendrës duhet të ketë të paktën kategorinë Mjeshtër kërkimesh. Ai zgjidhet/emërohet për një mandat 4-vjeçar, me të drejtë rizgjedhje ose riemërimi vetëm një herë. Drejtuesi i institutit është përfaqësuesi ligjor i tij dhe drejton këshillin shkencor”, thuhet në statutin e ri.

Ndërkohë, zgjedhja e drejtorëve të instituteve bëhet me votim të drejtpërdrejtë e të fshehtë nga trupa zgjedhore e përbërë nga punonjësit kërkimorë-shkencorë e anëtarët e komisionit të përhershëm përkatës. 5 procedura më të hollësishme përcaktohen me nënakt të veçantë. Kandidati i zgjedhur emërohet nga Kryesia e ASHSH. Për qendrat, si rregull, drejtuesi zgjidhet nga Kryesia e ASHSH, me propozim të bordit shkencor të qendrës. Për rastin kur qendrat që kanë këshill shkencor të përbashkët me një institut/qendër tjetër, zgjedhja bëhet si për drejtuesit e instituteve./CNA 





Lajmet e fundit nga