E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

“Me kore histerikësh nuk flas dot”/ Andi Bushati me gjuhë fyese ndaj Klodiana Lalës

6 Mars 2025, 22:51, Aktualitet CNA

“Me kore histerikësh nuk flas dot”/ Andi Bushati me gjuhë

Një debat i ashpër mes Andi Bushatit dhe Klodiana Lalës ka ndodhur në MCN TV. Debat i cili ka përfunduar në gjuhë fyese ndaj gazetares Klodiana Lala.

Diskutimi kishte në fokus përgjimin e një anëtari të Gjykatës Kushtetuese nga SPAK. Bushati tha se SPAK dhe një i akuzuar duhet të jenë palë të barabarta në proceset gjyqësore, duke vënë në pikëpyetje fuqinë e prokurorisë për të përgjuar dhe ndikuar mbi vendimet e gjykatës.

Sapo Klodiana Lala e sqaroi se SPAK nuk kishte pretenduar atë që ai thoshte, debati u përshkallëzua dhe kaloi në një gjuhë fyese ndaj Lalës duke thënë: “Me kore histerikësh nuk flas dot. Kore kineze… Ik, pirdhu!”, dhe u largua nga studio.

Pjesë nga debati:

Andi Bushati: Cfarë më shqetëson mua këtu? Fakti që pavarësisht se çfarë birbo maskarai krimineli është Pëllumb Gjoka, para gjykatës ai dhe SPAK janë palë të barabarta. Si do të ndiheshim ne, kur dy palë të barabarta, njëra nga palët ka të drejtën të përgjojë, të shantazhojë dhe të ndikojë mbi gjykatësit? Që këtu jemi në proces të barabartë? Më duket se jo. Thonë e lejon ligji. E lejon ligji por dëgjova argumentin që thonë për SPAK, GJK që kur ka filluar përgjimi e kishte marrë vendimin dhe ai u vonua të zbardhet. Ngre pyetjen...

Klodiana Lala: Nuk thotë këtë SPAK-u...

Andi Bushati: ky është argumenti publik.

Ola Xama: Atë argumentim kanë te vendimi....

Andi Bushati: Me kore histerikësh nuk flas dot. Kore kineze... Ik, pirdhu! (largohet)

Klodiana Lala: Do të përpiqem ta mirëkuptoj Bushatin. Unë u qëndroj argumentave. Duke qenë se është bërë e udhës dhe kemi debatuar disa herë, dua të kërkoj falje nëse ndërhyrja ime i ka shkaktuar irritim. Po përpiqem ta mirëkuptoj. Duke qenë se jemi njerëz publik, duhet të jemi të kujdesshëm në mënyrn se si qasemi me publikun./CNA