web counter
LEXO PA REKLAMA!

SHKARKO APP

App Store
Google Play

E fundit!

x

SPAK hap faqen online për denoncimin e krimeve zgjedhore

6 Mars 2025, 21:23, Aktualitet CNA

SPAK hap faqen online për denoncimin e krimeve zgjedhore

Prej të mërkures së 5 marsit, Prokuroria e Posaçme ka vënë në funksion faqen e saj të posaçme për denoncimet e krimeve zgjedhore.

Çdokush që disponon prova për shkelje ligjore gjatë procesit zgjedhor mund të bëjë kallëzimin në platformën zyrtare të SPAK, duke hyrë në faqen spak.gov.al dhe duke klikuar te seksioni “Denonco Krimin Zgjedhor”.

Për të plotësuar një denoncim, qytetarët duhet të japin të dhënat e tyre si emër, mbiemër, numrin e identifikimit dhe të tregojnë nëse janë person fizik apo juridik.

Më pas, duhet të përshkruajnë rastin e dyshuar dhe të ngarkojnë materiale mbështetëse, si foto, video apo dokumente që provojnë shkeljen.

Të gjitha denoncimet do të shqyrtohen nga prokurorët e caktuar për secilin qark, të cilët do të ndjekin rastet në bashkëpunim me agjentët e BKH-së.

Në total, 12 prokurorë do të mbikëqyrin procesin në nivel vendor, duke bashkëpunuar me prokuroritë e rretheve për shkëmbimin e informacionit.

Plani për hetimin e krimeve zgjedhore ka hyrë në fuqi që në fillim të marsit dhe do të vijojë deri në përfundimin e procesit zgjedhor më 11 maj./CNA





Lajmet e fundit nga