web counter
LEXO PA REKLAMA!

SHKARKO APP

App Store
Google Play

E fundit!

x

Projekti në Tragjas/ Rama: Do të ndërtohet ujësjellësi i ri, do të furnizohen banorët me ujë

6 Mars 2025, 08:49, Aktualitet CNA
Projekti në Tragjas/ Rama: Do të ndërtohet ujësjellësi
Kryeministri Edi Rama

Kryeministri Edi Rama ka folur për projektin që po planifikiohet të ndërtohet në Tragjas, i cili kundërshtohet nga banorët e zonës.

Sot në episodin "Sy M’Sy" Rama është shprehur se do të ndërtohet ujësjellësi i ri dhe do të bëhen kanalizimet.

Ujësjellësi i ri do të furnizojë jo vetëm banorët e zonës, por do të sjellë edhe transformimin e zonës.  

“Janë bërë matje të prurjeve. Kemi arritur në konkluzionin se çfarë prurjesh ka, sa duhet për mjedisin ekologjik, për konsumin, sa prurje ikin në det etj. Të gjitha aspektet teknike që i dinë më mirë ekspertët.

Është bërë projekti, i cili synon që edhe vetë zona atje, vetë banorët, shtëpitë të cilat furnizohen me pikatore sepse sistemi i ujësjellësit është i ndërtuar në vitit '50-'60.

Banorët kanë bërë investime marramendëse personale për të hapur puse, ndërsa ne e shohim një zhvillim të madh për turizmin dhe transformimin e atyre shtëpive.

Edhe kanalizimet që mungojnë janë pjesë e projekteve, do bëhet ujësjellësi, kanalizimet, do ndërtohet ujësellësi që do furnizojë dhe zonën e poshtme.

Një projekt që bëhet me profesionistë ka dhe oponencë. Bazohet në projektet e ujësjellësve në matje dhe analizat.

Ka një shifër domethënëse.

Si mundet që një ujësjellës për të pirë ujë të thajë dynjanë duke u shfrytëzuar për nevojat njerëzore. Do e kuptoja për hidrocentral, por një ujësjellës?

Është kërkuar nga ana ime konfirmimi im nga ekspertët. Nuk ka asnjë kërcënim, kjo është çmenduri.

Ky është një burim dhe vihet në dispozicion të njerëzve duke mos cenuar të drejtën e askujt që ka të drejtë në atë burim.

Nuk e kuptoj mbi ç’bazë diskutojnë”,  tha Rama./ CNA





Lajmet e fundit nga