web counter
LEXO PA REKLAMA!

SHKARKO APP

App Store
Google Play

E fundit!

x

Mbetjet e “Kurum”/ Xama: Rrjeti i Bazelit ka ofruar një dëshmi të noterizuar, por prokuroria s’ka kthyer përgjigje

6 Mars 2025, 22:26, Aktualitet CNA

Mbetjet e “Kurum”/ Xama: Rrjeti i Bazelit ka ofruar një

Gazetarja Ola Xama në një intervistë në MCN Tv ka folur për hetimet mbi mbetjet toksike të “Kurum” që janë magazinuar në Spitallë.

Xama tha se drejtori ekzekutiv i Rrjetit të Bazelit, Xhim Puckett ka shprehur gatishmërinë për të dhënë dëshminë e tij, por nuk ka marrë një përgjigje nga Prokuroria e Durrësit.

Gazetarja tha se Rrjeti i Bazelit kishte ofruar dhe një dëshmi të noterizuar po sërish pa përgjigje nga prokuroria. Ky mosreagim, thotë Xama, ka alarmaur Rrjetin e Bazelit.

“Pas një pritjeje prej tre muajsh nga ana e Drejtorisë së Standardeve dhe Akreditimit, më në fund është gjetur një laborator që mund të shqyrtojë çështjen. I gjithë ky reagim nga ana e Prokurorisë e Durrësit ka ardhur pas një denoncimi publik të Rrjetit të Bazelit, i cili është edhe sinjalizuesi kryesor i rastit që përfshin 102 kontejnerë me mbetje të rrezikshme.

Rrjeti i Bazelit ka theksuar se Drejtori Ekzekutiv, Xhim Puckett, është ofruar për të dhënë dëshminë e tij përmes kanaleve elektronike, por Prokuroria nuk ka kthyer asnjë përgjigje. Pavarësisht administrimit të dëshmive, nuk është specifikuar nëse ato kanë vlerën e një dëshmie ligjore. Për më tepër, Rrjeti i Bazelit ka ofruar edhe një dëshmi të noterizuar, por sërish nuk ka marrë përgjigje. Ky injorim i Prokurorisë dhe qeverisë shqiptare ka nxitur një reagim të fortë nga Rrjeti i Bazelit, i cili është alarmuar për mosveprimin në këtë çështje kaq të rëndësishme”, tha Xama./ CNA





Lajmet e fundit nga