web counter
LEXO PA REKLAMA!

SHKARKO APP

App Store
Google Play

E fundit!

x

Kuvendi dha autorizimin për Berishën/ Boçi: Disa mezi e kanë pritur këtë ditë

21 Dhjetor 2023, 17:14, Aktualitet CNA
Kuvendi dha autorizimin për Berishën/ Boçi: Disa mezi e
Luçiano Boçi

Luçiano Boçi ka folur lidhur me vendimin e marrë nga Kuvendi për heqjen e imunitetit të deputetit Sali Berisha.

Boçi thotë se asgjë nuk ishte surprizë pasi pritej që Kuvendi ta jepte autorizimin, dhe madje disa mezi e kanë pritur këtë ditë që të realizonin hakmarrjen politike që e kanë akumuluar prej vitesh.

“Nuk kishte surpriza, pritej që kuvendi ta jepte autorizimin, dhe madje disa mezi e kanë pritur këtë ditë që të realizonin hakmarrjen politike që e kanë akumuluar prej vitesh dhe sot u erdhi dita. Shqipëria ka mbyllur kapitullin së qeni një shtet demokratik, evropian dhe tani futet në listën e atyre vendeve që kanë treg të lirë por janë diktatoriale si ato vendet aziatike, edhe pse kemi një aspiratë të madhe evropiane.

Pjesa tjetër që shoh është një lloj revanshi që shoh nga pasardhësit e atyre që u rrëzuan në vitet 90 dhe kërkojnë që ta fshijnë atë histori me këto veprime ndaj opozitës dhe deputetëve. Të gjithë regjimet që fillojnë e instalohen, instalohen në heshtje pritëse dhe të gjitha regjimet kanë frikë nga opozita e krimet më të madha i bëjnë në emër të së drejtës. Futja e Berishën në një kufizim lirie për të goditur më shumë atë ka një përsëritje të atyre ngjarejve që e dërgojnë vendin drejtë diktaturës.”, tha Boçi./ CNA





Lajmet e fundit nga