web counter
LEXO PA REKLAMA!

SHKARKO APP

App Store
Google Play

Iu vërsul Veliajt dhe Xhaçkës në Asamble/ Berisha: Bashkia e Tiranës gumëzhin kundër Ramës

11 Shkurt 2024, 19:59, Aktualitet CNA
Iu vërsul Veliajt dhe Xhaçkës në Asamble/ Berisha: Bashkia
Ish-kryeministri Sali Berisha

Ish-kryeministri Sali Berisha pasi ka bërë analizën e tij për Asamblenë e PS-së ka treguar se gjatë mbledhjes kryeministri Edi Rama i është vërsulur kryebashkikaut Erion Veliaj.

Sipas Berishës, kryeministri ka sulmuar Veliajn jo se ka ngrënë dardha pas shpine por se është është kthyer në një OJF.

Ai shtoi se Bashkia e Tiranës gumëzhin nga mëngjesi deri në darkë kundër Ramës.

“Ju vërsul Erion Veliajt, jo se ke ngrënë dardha të prishura, por se je bërë një hiç, në një OJF. Këtu para jush kam denoncuar aktet se si bashkia e Tiranës, gumëzhin nga mëngjesi në darkë kundër Edi Ramës. Por gumëzhitja ka arritur edhe në Surrel, prandaj dhe u kthye sot në sallën e plenumit të asamblesë”, tha Berisha.

Më tej tha se kritika ka patur dhe ish-ministren Xhaçka për të cilën ka shprehur rezerva se nuk angazhohet në rrjetet sociale për partinë.

“Terrorit nuk i shpëtoi as Olta Xhaçka dhe të tjerë indirekt. Edi Rama sot ju tha asamblejistëve se jeni të kontrolluar prej tij në çdo hap, akt. Ti zonja Xhaçka e ke harruar Facebook, nuk na bën më as like. Imagjinoni ju diktatorin se si ua kontrollon, Tik Tokun, Instagram, Facebook”, tha Berisha./ CNA





Lajmet e fundit nga