web counter
LEXO PA REKLAMA!

SHKARKO APP

App Store
Google Play

E fundit!

x

Sulmi ndaj kishës në Damask/ Fortlumturia e Tij, Joani: U bëjmë thirrje të gjithëve të qëndrojmë të bashkuar

23 Qershor 2025, 13:56, Aktualitet CNA

Sulmi ndaj kishës në Damask/ Fortlumturia e Tij, Joani: U

Kryepiskopi i Tiranës, Durrësit dhe gjithë Shqipërisë, Fortlumturia e Tij, Joani, ka reaguar për sulmin ndaj kishës në Damask ku humbën jetën të paktën 15 persona.

Në mesazhin e tij, Kryepiskopi dënon sulmin dhe shpreh ngushëllimet për familjarët e viktimave.

Fortlumturia e Tij, Joani, ka shprehur mbështetjen e Kishës Ortodokse Autoqefale ndaj Patriarkut të Antiokisë, Joanit, dhe për të gjithë komunitetin ortodoks të Sirisë.

 

Mesazhi i Fortlumturisë së Tij, Joanit

Me dhimbje të thellë u informuam për sulmin terrorist në Kishën e Profetit të Shenjtë Ilia në Damask, që ndodhi ditën e djeshme gjatë Liturgjisë Hyjnore, ku dhjetëra besimtarë të pafajshëm humbën jetën ose u plagosën.

Kisha Orthodhokse Autoqefale e Shqipërisë e dënon këtë akt dhune, aq më tepër që ndodhi në orarin e shenjtë të lutjes, gjatë Misterit të Falënderimit Hyjnor. Sipas fjalëve të urta të Kryepiskopit tonë të ndjerë Anastas: "Askush nuk ka të drejtë të përdorë vajin e fesë për të forcuar zjarrin e konflikteve. Feja është dhuratë hyjnore, e dhënë për të qetësuar zemrat, për të shëruar plagët dhe për të sjellë më afër individët dhe popujt".

Shprehim ngushëllimet tona të sinqerta për familjet e viktimave dhe mbështetjen tonë për Fortlumturinë e Tij, Patriarkun e Antiokisë, z. Joan dhe për të gjithë Komunitetin Orthodhoks të Sirisë. Lutemi për prehjen e shpirtrave të viktimave të pafajshme dhe për shërimin e shpejtë të të plagosurve.

Nga Shqipëria, një vend që ka dëshmuar se bashkëjetesa paqësore mes feve nuk është ëndërr e paarritshme apo utopi, por realitet i gjallë, i bëjmë thirrje të gjithëve të qëndrojmë të bashkuar kundër dhunës. Bashkëjetesa paqësore e popujve dhe feve është rruga e vetme për një të ardhme më të mirë./ CNA





Lajmet e fundit nga