web counter
LEXO PA REKLAMA!

SHKARKO APP

App Store
Google Play

Shqipëria me Perëndimin/ Hasani shpjegon qëndrimin pro Izraelit

20 Qershor 2025, 12:08, Aktualitet CNA

Shqipëria me Perëndimin/ Hasani shpjegon qëndrimin pro Izraelit

Ministri për Europën dhe Punët e Jashtme, Igli Hasani, i ftuar në "MCN TV", ka folur për qëndrimin e Shqipërisë pro Izraelit.

Ministri i Jashtëm tha se vendi ynë ka mbajtur një qëndrim në linjë me Perëndimin, larg ekstremizmit. 

Ndër të tjera Hasani tha se Shqipëria është partner i besueshëm i BE-së dhe do të vijojë të mbështesë qëndrimet e vendeve Perëndimore.

Debati: 

Redi Shehu: BE po përpiqet të ndërtojë urë komunikimi ndryshe nga SHBA-ja. Ndërkohë Shqipëria, që aspiron për të qenë në BE, mbështet pa kushte Izraelin në flagrancën e shkeljes së çdo ligji ndërkombëtar. Pse nuk ka ndjekur Shqipëria një gjuhë të moderuar si presidenti francez, që thotë "jo armë bërthamore Irani, por jo sulme ndaj një vendi sovran". Kjo nuk është shaka dhe askush nuk e di si do të përfundojë. E dyta, qëndrimi juaj për masakrat në Gaza është zero, nuk ka prononcim fare.

Igli Hasani: Është e rëndësishme që gjuha të mos jetë ekstremiste, të mos përmbajë elementë të pasioneve personale dhe të mos jetë në raport me qëndrimet që mban një shtet subjekt i angazhimeve radikale, të dikujt apo shumëkujt që e mendon ndryshe. Shqipëria u rri strikte qëndrimeve që ka mbajtur. Është partner i besueshëm i BE-së, do të vijojë të mbështesë qëndrimet e vendeve Perëndimore për të pasur të ardhmen që pretendojmë ta kemi larg regjimeve të Ajatollahëve dhe regjimeve diktatoriale dhe t'u largohemi sa më shumë ekstremizmave./CNA





Lajmet e fundit nga