web counter
LEXO PA REKLAMA!

SHKARKO APP

App Store
Google Play

Heqja e imunitetit të Berishës/ Boçi: Kjo ishte goditja finale

21 Dhjetor 2023, 21:43, Aktualitet CNA

Heqja e imunitetit të Berishës/ Boçi: Kjo ishte goditja finale

Nënkryetari i PD-së, Luçiano Boçi ka folur për vendimin për t’i hequr imunitetin ish kryeministrit Sali Berisha.

Sipas Boçit kjo ishte goditja finale ndaj opozitës.

I ftuar në emisionin "NOW" me Erla Mëhillin, Boçi tha se fazat e goditjes kanë nisur nga lobimet që të jep mundësi pushteti dhe kanë vazhduar me mbajtjen pezull të statusit juridik të PD.

 “Në aspektin se çka solli unë them se Shqipëria mbylli atë fazën e demokracisë 30-vjeçare dhe tashmë jemi në një regjim miiks, tip aziatiku. Vendosja e regjimit në shkallën politike, autokraci politike, kombinuar me tregun e lirë, pasi liria ekonomike ekziston. Një model i Vietnamit, ta krahasoja me Kinën do ishte paksa me nota qesharake, pasi Kina është fuqi ekonomike. Është një vendim i marrë në parlament, është goditja e kreut të opozitës, është goditja finale e opozitës.

Nuk është se është kapur në shkelje të ligjit, kemi një proces dhe kemi një heqje të imunitetit. Kemi faza të ndryshme të goditjes së opozitës që në momentin që Rama vendosi këmbën në pushtet.

Kanë qenë të kërkuara dhe deklaruara nga ai. Fazat e goditjes kanë nisur nga lobimet që të jep mundësi pushteti. Kanë vazhduar me mbajtjen pezull të statusit juridik të PD dhe ajo që është më tinëzare është kapja e sistemit zgjedhor. Goditja finale është goditja e liderit”, tha Boçi./ CNA





Lajmet e fundit nga