web counter
LEXO PA REKLAMA!

SHKARKO APP

App Store
Google Play

“Gratë s’do krihnin flokët e burrat do vinin një gjethe”/ Rama del “zbuluar” në fasada

19 Tetor 2022, 11:01, Aktualitet CNA

“Gratë s’do krihnin flokët e burrat do vinin një

Kryeministri Edi Rama nga Gjirokastra ka deklaruar se fasadat janë të rëndësishme.

Këtë deklaratë e bëri duke argumentuar se po u kundërpërgjigjet atyre që thonë se njerëzit s’kanë bukë të hanë.

Por me këtë deklaratë ai lë vend edhe për interpretime dhe ngre pikëpyetje, nëse të gjitha projektet që ai propagandon janë thjesht një fasadë dhe asgjë më shumë.

“Kush investon sot këtu, nuk investon thjeshtë për të marrë atë që thjeshtë merr sot. Por investon për të marrë mbrapsht investimin çdo vit. Sepse çdo vit vlera e kësaj pasurie që na kanë lënë të parët rritet.

Rilindja urbane ishte agrokulturë, e mpirë komplet si me ato gjilpërat e asaj terapisë së famshme antike kineze. Agrokultura është e njohur në teorinë e zhvillimit urban. Po kujt t’ia thuash? Atyre që nuk heqin dorë nga ideja se i kanë dhënë një frymëzim të madh Shqipërisë për të bërë ndërtime pa leje. Shkojnë në gjykatë kushtetuese për të rrëzuar vendimin e qeverisë për konfiskimin e ligjshëm dhe marrjen për t’ia dhënë njerëzve dhe shtetit të gjitha metrat katrorë të ndërtuara pa leje. Këta që më akuzojnë mua, akuzojnë ne që mbështesin oligarkët, që më akuzojnë mua që kam kullat pa leje. Imagjinoni tani se çfarë paraje po mblidhet për rrëzimin e një ligji. Njerëzit u orientuan nga Rilindja urbane, se vende të bukura dhe të varfra kam parë, por një vend të pisët dhe të pasur nuk kam parë.

 Ideja që 'ju merreni me fasada njerëzit s’kanë buk' është dritëshkurtësi. Ato fasada sjellin bukë, pse, sepse janë hapja e një zinxhiri që con te buka e atyre që punësohen. Shumë e thjeshte si do vinin nga emigracioni në Përmet e Gjirokastër për të bërë shtëpitë e për të bërë agroturizëm. Duke parë gropat? Mbeturinat? Jo duke parë fillimin e një rijetëzimi. Po se po të ishte fasada kaq e parëndësishme, s’kishin pse të kriheshin gratë dy herë në javë. Burrat jo e jo. Do rrinim me nga një gjethe. S’do blinim rroba, do blinim bukë”- u shpreh Rama./CNA.al





Lajmet e fundit nga