web counter
LEXO PA REKLAMA!

SHKARKO APP

App Store
Google Play

Ekskluzive/ Zbulohet 99-çi që përgatiti padinë ndaj prokurorit Ols Dado për llogari të Zdromsit

26 Janar 2026, 15:01, Aktualitet CNA

Kryebashkiaku i arrestuar i Tiranës, Erion Veliaj vijoi sulmin e tij të radhës me drejtësinë, teksa pak ditë më parë paditi në Gjykatën Administrative prokurorin e SPAK-ut, Ols Dado. Në fakt hetimet janë kryer nga dy prokurorë Ols Dado dhe Altin Dumani, por këtij të fundit nuk guxon t'ia përmendë emrin. Ndërsa ndaj Dados ka lëshuar mashtrime me shumicë deri në institucione të rëndësishme ndërkombëtare.

Kërkesë-padia, drejtuar Gjykatës Administrative të Tiranës, mban datën 20 janar 2026, përmes së cilës kryebashkiaku i arrestuar me 13 akuza të rënda penale, kërkon nga qelia e tij shkarkimin e Dados dhe shpalljen e emërimit të tij të paligjshëm.

Ekskluzive/ Zbulohet 99-çi që përgatiti padinë ndaj
Kërkesa e Veliajt ndaj Dados

Veliaj çon një padi për të nxitur një konflikt me prokurorin Dado, pas sulmeve të përsëritura, që tregojnë frikën e Zdromsit për përballjen me drejtësinë.

Kallëzimi ndaj Dados përban hije të errëta të veprimit të Veliajt, përmes bashkëpunëtorëve të tij 99-ça të shumëakuzuar apo nën hetim për vepra të ndryshme penale.

Kjo padi sipas burimeve pranë stafit të Veliajt, mban autorësinë dhe fshihet edhe një emër me akuzë apo dhe në hetim nga SPAK, ai është 99-çi, Plarent Ndreca.

Ekskluzive/ Zbulohet 99-çi që përgatiti padinë ndaj
Në foto: Plarent Ndreca

Por si lidhet Ndreca me çështjen e Veliajt dhe padinë ndaj Dados?

Siç është tashmë e publikuar me fakte e të dhëna zyrtare, Ndreca është një ish-99-ç, i kthyer në Rilindas dhe bashkëpunëtor i ngushtë i Zdromsit të Bashkisë Tiranë, siç vetëquhet kryebashkiaku. Ndreca ka ushtruar disa funksione publike. Ai ka qenë edhe deputet i Kuvendit të Shqipërisë.

Ndreca nën akuzë

Më datë 27 nëntor 2024, përmes një njoftimi, Prokuroria e Posaçme bëri me dije se dërgoi për gjykim 16 persona për shkelje në tenderat publikë, mes së cilëve edhe Plarent Ndrecën.

Plarent (Pjetër) Ndreca akuzohej nga SPAK për kryerjen e veprës penale "Shkelja e barazisë së pjesëmarrësve në tendera apo ankande publike", kryer në bashkëpunim parashikuar nga neni 258-25 i K.Penal (sipas parashikimit para ndryshimeve të bëra me ligjin Nr.43/2021).

Shkeljet rezultonin të kryera gjatë procedurave të një tenderi në kohën kur Ndreca mbante detyrën si Sekretari i Përgjithshëm i Ministrisë së Brendshme, kur institucioni drejtohej nga Sandër Lleshaj. CNA në atë kohë publikoi edhe skandalin e blerjes së një mjeti luksoz në kohën e pandemisë.

I njohur si mik i ngushtë i kryebashkiakut të arrestuar, Ndreca jo në pak raste ka shfaqur qëndrimet e tij publike pro Veliajt, por edhe “talentin” e tij si jurist për trajtimin e çështjes në Gjykatën Kushtetuese.

CNA ka mësuar nga burime të konfirmuara se përpilimin e kërkesë-padisë ndaj prokurorit Ols Dado e ka përgatitur Plarent Ndreca. Në rolin e kamikazit politik apo të paditurit jurist pas firmës së Veliajt, padia është çuar në Gjykatën Administrative.

Në këtë mënyrë, Veliaj dhe Ndreca, të bashkuar si dy njerëz të skandaleve dhe të akuzuar nga drejtësia, kanë vepruar sërish kundër SPAK-ut dhe kanë vijuar sulmet ndaj një prokurori që thjesht bën detyrën e tij, vetëm e vetëm që Dado të tërhiqet nga çështja për konflikt interesi. Erion Veliaj dhe Plarent Ndreca, duken të koordinuar me skenare nga më absurdet.

Rasti i sulmit ndaj prokurorit Ols Dado tregon qartë fytyrën e zyrtarëve të korruptuar, se kanë të njëjtin hall, pasi duan me doemos t’i shmangen drejtësisë, përmes sulmeve të ulëta, me procedura e teknikalitete nga më të ndryshmet. Drejtësia vonon, por nuk harron edhe për prepotentët, arrogantët apo mashtruesit publikë që vijnë nga politika apo jashtë saj./CNA





Lajmet e fundit nga