web counter
LEXO PA REKLAMA!

SHKARKO APP

App Store
Google Play

E fundit!

x

“Dumani ka marrë mesazh kërcënues nga një politikan”/ Paralajmërimi i deputetit: Priten zhvillime

28 Maj 2024, 17:31, Aktualitet CNA
“Dumani ka marrë mesazh kërcënues nga një
Altin Dumani

Deputeti Dashnor Sula ka ngritur dyshime se kreu i SPAK, Altin Dumani ka marrë mesazhe kërcënuese nga një politikan.

I ftuar në "Top Talk", Sula është shprehur se nuk mund të japë më shumë shpjegime për këtë por priten zhvillime të tjera. 

Deputeti theksoi se njerëz të caktuar me fuqi të fortë ekonomike po tentojnë për të bërë të pamundurën për ta penguar punën e SPAK për t’i kërcënuar prokurorët.

“Drejtuesi i SPAK-ut, kur erdhi në Komisionin e Ligjeve e tha në mënyrë të drejtpërdrejtë, nuk kemi nevojë për asgjë në kuadër ligjor, na lini kështu siç jemi, mos na pengoni. Mos prit që unë ta them kush ka dërguar mesazhin kërcënues ndal Altin Dumanin, por do kemi zhvillime të tjera", tha deputeti.

Pjesë nga deklarata

-Bëhet fjalë për një politikan të shpallur në kërkim, nën hetim?

“Aludohet për Arben Ndokën, nuk është e vërtetë. Njerëz të caktuar me fuqi të fortë ekonomike po tentojnë për të bërë të pamundurën për ta penguar punën e SPAK për ti kërcënuar dhe penguar. Kjo është e qartë, unë e kam thënë, e vlerësoj Altin Dumanin dhe prokurorët e tjerë që kanë marrë këtë punë të vështirë”, u shpreh Sula.

-Një politikan që i ka dërguar mesazh kërcënues SPAK?

“Nuk jap shpjegime se e dëmtoj gjënë, por indiciet që them janë të rrezikshme, SPAK duhet ta pengojë. Politika ka shumë për ta mbrojtur, mjafton të distancohet nga elementë të krimit, ka politikanë të cilët bashkëpunojnë me krimin.”/ CNA





Lajmet e fundit nga