web counter
LEXO PA REKLAMA!

SHKARKO APP

App Store
Google Play

E fundit!

x

Bllokohet qarkullimi më 8 dhe 9 mars nga sheshi "Shqiponja" te ura e Lumit të Tiranës

7 Mars 2025, 21:54, Aktualitet CNA

Bllokohet qarkullimi më 8 dhe 9 mars nga sheshi "Shqiponja" te

Autoriteti Rrugor Shqiptar ka njoftuar mbylljen e segmentit nga ish-sheshi “Shqiponja” deri te ura e Lumit të Tiranës.

Shkak i mbylljes janë punimet në Unazën e Madhe dhe në këtë segment do të shtrohet shtresa e asfaltbetonit. Aksi do të bllokohet gjatë natës, më konkretisht nga ora 20:00 e mbrëmjes deri në orën 06:00 të mëngjesit.

 

Njoftimi i ARRSH

Në kuadër të fazës përfundimtare të punimeve të ndërtimit të rrugës në objektin: “Plotësimi, Rakordimi dhe vazhdimi i punimeve Sheshi Shqiponja-Lumi i Tiranës, Loti 1 dhe QMT”, pjesë e Unazës së Madhe të Tiranës, në datat 08-09.03.2025 është planifikuar të realizohet shtresa e asfaltobetonit në aksin kryesor të këtij segmenti, konkretisht nga ish-Sheshi Shqiponja deri tek ura e Lumit të Tiranës.

Për këtë arsye gjatë orëve të natës (ora 20:00 - 06:00) është i nevojshëm bllokimi i këtij aksi duke e orientuar trafikun si më poshtë vijon:

-Në datën 08.03.2025 ora 20:00-06:00 do të kryhen punimet në krahun e djathtë të aksit kryesor dhe për pasojë do të bllokohet lëvizja e automjeteve në Tunelet nr.2 (rryma e trafikut që vjen nga autostrada Tiranë-Durrës me drejtim Unazën Veriore) dhe Tunelin nr.1 (rryma e trafikut që vjen në aksin kryesor nga Teodor Keko me destinacion Unazën Veriore).

- Në datën 09.03.2025 (ora 20:00 - 06:00) do të ketë punime në krahun e majtë dhe trafiku duhet të devijohet për në nënkalimin e Paskuqanit duke i drejtuar automjetet ne rrugët që lidhen me këtë nyje.

Kontraktori i punimeve në bashkëpunim me Autoritetin Rrugor Shqiptar kanë marrë të gjitha masat e nevojshme për menaxhimin e trafikut./ CNA





11:19 Aktualitet

Ajola Xoxa, në SPAK

Bashkëshortja e Erion Veliajt, Ajola Xoxa, është paraqitur...

Lajmet e fundit nga