web counter
LEXO PA REKLAMA!

SHKARKO APP

App Store
Google Play

E fundit!

x

Bisedimet me homologun e Ukrainës/ Hasani: Shqipëria, së shpejti me ambasadë në Kiev

28 Shkurt 2024, 08:39, Aktualitet CNA

Bisedimet me homologun e Ukrainës/ Hasani: Shqipëria, së shpejti

Ministri i Jashtëm, Igli Hasani në konferencën me homologun e Ukrainës Dymytro Kuleba, ka theksuar se Shqipëria mbështet sovranitetin, lirinë, pavarësinë dhe tërësinë territoriale të Ukraninës, duke dënuar me forcë agresionin rus.

Sipas Hasanit plani me 10 pika i Zelensky-t është mundësia më realiste për paqen.

“Shqipëria mbështet sovranitetin, lirinë, pavarësinë, tërësinë territoriale të Ukrainës. Shqipëria dënon me forcë agresionin rus ndaj Ukrainës. Vijojmë përpjekjet për ta mbajtur Rusinë përgjegjëse për krimet e kryera në Ukrainë.

Plani me 10 pika i Presidentit Zelenskyy, mundësia më realiste për arritjen e paqes. Bashkë me aleatët, të angazhuar për realizimin e Pikës 5 . “Rivendosja e tërësisë territoriale dhe sovranitetit të Ukrainës”. Ukraina, përparësi e punës së Shqipërisë në të gjitha forumet ndërkombëtare”, tha Hasani.

Më tej, ministri u shpreh se brenda këtij viti shpreson që të hapet ambasada e Shqipërisë në Kiev.

“Hapja e Ambasadës sonë në Kiev, shpresojmë brenda këtij viti. Diskutuam për avancimin e marrëdhënieve të mira Shqipëri-Ukrainë. Në fokus të bisedës, ndihma ekonomike që Shqipëria mund të ofrojë për Ukrainën. Dakordësi për rritjen e bashkëpunimit ekonomik mes dy vendeve.

Mbështesim avancimin e Ukrainës në rrugën e saj proevropiane. Të gatshëm që të ofrojmë përvojën tonë të deritanishme në këtë proces. Uroj që Samiti i sotëm të ofrojë perspektiva të reja për të ardhmen e Ukrainës”, u shpreh ministri./ CNA





Lajmet e fundit nga