web counter
LEXO PA REKLAMA!

SHKARKO APP

App Store
Google Play

Avokati Genc Gjokutaj, për çështjen “Partizani”: Provat janë të pavlefshme

29 Shtator 2025, 12:08, Aktualitet CNA

Avokati Genc Gjokutaj, për çështjen “Partizani”:

Në seancën gjyqësore të radhës për çështjen “Partizani”, avokati Genc Gjokutaj deklaroi se të gjitha provat e paraqitura në proces janë të pavlefshme dhe nuk mund të shërbejnë si bazë për një vendim fajësie.

Gjokutaj u shpreh se ka një vendim të Gjykatës Kushtetuese që ka dalë tashmë, edhe pse ende nuk është botuar në Fletoren Zyrtare, i cili konstaton se të gjitha sekuestrimet e kryera në kuadër të këtij hetimi janë bërë në kundërshtim me ligjin dhe, si të tilla, janë të pavlefshme.

“Përjashtoi jo vetëm provat për të gjithë, por kërkoi edhe pavlefshmërinë e akteve. Kemi një vendim të Gjykatës Kushtetuese që ka dalë, edhe pse ende nuk është botuar në Fletoren Zyrtare, i cili konstaton se të gjitha sekuestrimet janë në kundërshtim me ligjin dhe janë të pavlefshme. Tashmë po i hapen petët lakrorit,” – tha Gjokutaj për gazetarët pas seancës.

Sipas tij, edhe pse gjykata dëgjoi pretendimet dhe kërkoi kohë për t’u përgatitur, mund të ketë përpjekje që këto prova të vlerësohen sërish, por sipas avokatit kjo është e papranueshme.

“Provat janë të pavlefshme dhe nuk mund të vihen në themel të një vendimi fajësie,” përfundoi Gjokutaj./ CNA





Lajmet e fundit nga