web counter
LEXO PA REKLAMA!

SHKARKO APP

App Store
Google Play

E fundit!

x

Alarmi i "TikTok"-ut/ Ministrja premton dhe nuk e çan kokën

1 Tetor 2022, 21:10, Aktualitet CNA
Alarmi i "TikTok"-ut/ Ministrja premton dhe nuk e çan
Ministrja e Arsimit, Evis Kushi

Ditën e djeshme, ministrja e Arsimit, Evis Kushi, ka zhvilluar një orë trajnimi me mësuesit, së bashku me ministren e Rinisë, Bora Muzhaqi.

Në një status në rrjetet sociale, Kushi bënte me dije se trajnimi ishte për mësuesit që japin për herë të parë lëndën e TIK-ut për klasat e para në 100 shkolla.

"Së bashku me Ministren e Shtetit për Rininë dhe Fëmijët, Bora Muzhaqi morëm pjesë në një orë trajnimi të mësuesve që japin për herë të parë lëndën e TIK-ut për klasat e para në 100 shkolla, e që më pas do të japin kontribut për trajnimin e mësuesve të tjerë në të gjithë vendin.

Falënderoj Fondacionin Shqiptaro-Amerikan të Zhvillimit për mbështetjen në realizimin me sukses të këtij programi!", shkruante ajo.

Por ky status i saj, u pasua nga një koment i ekspertit të kriminalistikës, Ervin Karamuços, i cili vë në pah premtimin e pambajtur të ministres për alarmin e ngritur nga "TikTok".

"Përpara pothuajse 1 viti jeni zotuar të hapni një debat publik dhe të hartoni një strategji për parandalimin e vdekjeve të nxënësve nga sfidat në rrjetet sociale. Në 2021 gjetën vdekjen 2 fëmijë (10 vjeç në Shkodër dhe 14 vjeç në Lushnjë) nga lojërat e 'TikTok' duke u varur në litar. Në kujtim të tyre, të gjithë fëmijët e tjerë meritojnë ndihmë institucionale që të mos bien viktimë e teknologjisë së pakontrolluar", thekson eksperti./ B.A. - CNA.al





Lajmet e fundit nga