E fundit!

12:08 Aktualitet

Edhe një tjetër “pikëz e voçkël” mbushet me shtëpi

Analisti dhe gazetari Mentor Kikia ka reaguar pas zjarrit ...

Akuzat për shtëpi bari/ Aktori Vis Pupa thyen heshtjen

24 Maj 2025, 12:07, Aktualitet CNA

Aktori Elvis Pupa ka thyer heshtjen dhe ka reaguar në lidhje me akuzat se ai dhe bashkëshortja e tij janë të akuzuar për shtëpi bari në Australi dhe se aktori është arratisur.

Përmes një reagimi në rrjetet sociale, aktori shkruan se lajmet që kanë qarkulluar janë të pavërteta dhe keqdashëse.

Ai sqaron se prej më shumë se 1 muaji ndodhet në Tiranë dhe po merret me angazhimet e tij.

Aktori shkruan se çdo përpjekje për ta paraqitur këtë situatë ndryshe është një manipulim i pastër i informacionit, një keqinterpretim i qëllimshëm që synon të bëjë lajm aty ku nuk ka asgjë të jashtëzakonshme.

“Jam i detyruar të reagoj pas disa lajmeve të pavërteta dhe keqdashëse që po qarkullojnë në media, sipas të cilave unë gjoja "jam arratisur" dhe "ndodhem në kërkim". Dua ta bëj shumë të qartë: prej më shumë se një muaji ndodhem në Tiranë, ku po zhvilloj angazhime të rregullta profesionale, të planifikuara në Shqipëri dhe më gjerë në Europë.

Çdo përpjekje për ta paraqitur këtë situatë ndryshe është një manipulim i pastër i informacionit, një keqinterpretimi qëllimshëm që synon të bëjë lajm aty ku nuk ka asgjë të jashtëzakonshme.

Sa i përket bashkëshortes sime, Belina, ajo vazhdon aktivitetin e saj profesional dhe është plotësisht e lirë. E gjithë situata që po trajtohet aktualisht është pjesë e një procesi ligjor që është ende në zhvillim, dhe siç është shprehur edhe ajo vetë, i takon drejtësisë të flasë e fundit.

Fatkeqësisht, kemi parë një keqpërdorim të rëndë të lajmit, me qëllim sensacionalizmi dhe klikimesh, ku deformimi ka marrë vendin e të vërtetës. Jetët tona janë publike, por kjo nuk i jep askujt të drejtën të abuzojë me dinjitetin e njerëzve.

Jeta vazhdon normalisht, me punën dhe përgjegjësitë tona të përditshme. Ne do të përballojmë çdo situatë me qetësi, transparencë dhe respekt për të vërtetën.

Faleminderit për mirëkuptimin dhe mbështetjen që shumë prej jush na kanë treguar.

Me respekt

Elvis Pupa”, shkruan aktori./ CNA

Akuzat për shtëpi bari/ Aktori Vis Pupa thyen heshtjen