web counter
LEXO PA REKLAMA!

SHKARKO APP

App Store
Google Play

E fundit!

x

A do ia heqë Trump "non-gratën" Berishës?/ Parashikimi i ish-ambasadorit

9 Nëntor 2024, 19:23, Aktualitet CNA

A do ia heqë Trump "non-gratën" Berishës?/ Parashikimi

Një ndër çështjet që po diskutohet me shumë interes pas fitores së zgjedhjeve presidenciale nga Donald Trump në SHBA është sanksionin “non-grata” ndaj ish-kryeministrit Sali Berisha.

Opozita shprehet optimiste për heqjen e këtij sanksioni, ndërsa një mendimi të tillë i bashkohet edhe ish-ambasadori i Shqipërisë në Mbretërinë e Bashkuar, Mal Berisha.

Ky i fundit, në një intervistë televizive tha se do të ketë ndryshim shumë të madh për sanksionin, që do të ngrejë edhe moralin e qytetarëve të zhgënjyer nga SHBA.

“Unë plotësisht besoj te një administratë e re, e cila do ta marrë dosjen në shqyrtim dhe do të shohë se në dosje nuk ka asnjë fakt dhe asnjë evidencë...

Unë mendoj se kjo dosje ka filluar herët, që në kohën e administratës Trump, por Grenell, i cili mbuloi 10 agjencitë e fsahehta tha se në vëmendjen time nuk ka ardhur kurrë kjo çështje. Pastaj ajo u zhvillua si u zhvillua, natyrisht çështja McGonigal është një turp për Amerikën se atë e kanë në burg, dhe po ashtu një qëndrim jo serioz i Amerikës ndaj korruptuesve, sepse mitmarrja dhe mitdhënia janë krime.

Une besoj se do të ketë ndryshim dhe ndryshim shumë të madh dhe ajo pastaj do të ketë reflekset e veta te ngritja morale e njerëzve, të cilët deri tani kanë qenë të stepur sepse ngaqë e duam shumë shumë Amerikën, kur na hedh ndryshim mbi një person që e duam shumë dhe atë, dyshimi dhe stepja ndaj tij mund të ketë shkaktuar që shumë njerëz të ishin të tërhequr”, theksoi ish-ambasadori./ CNA





Lajmet e fundit nga