web counter
LEXO PA REKLAMA!

SHKARKO APP

App Store
Google Play

E fundit!

x

“2 javë i shtruar në spital, me brinjë të krisura”/ Kreu i PD-së Librazhd: Si u dhunova nga "ushtarët" e Metës

29 Tetor 2022, 14:35, Aktualitet CNA
“2 javë i shtruar në spital, me brinjë të
Kryetari i degës së PD, në Librazhd, Bujar Vreto

Kryetari i degës së PD, në Librazhd, Bujar Vreto ka komentuar aleancën Berisha-Meta duke thënë se është jashtë çdo morali politik.

I ftuar në Euronews Albania, Vreto ka kujtuar se në kohën kur Meta ka qenë kryeministër demokratët janë dhunuar nga policia, duke sjellë në vëmendjen rastin e tij të dhunës.

Ai tregon se ka qenë i shtuar 2 javë në spital, me brinjë të krisura nga dhuna e policisë së ushtruar në kohën e Metës, si kryeministër.

“Ata që çfarë nuk kanë thënë për njëri tjetrin e gjejnë një gjuhë, por çfarë do t’i thonë popullit këta? A ju kujtohet viti 2000 kur do futeshim në Vlorë me Berishën, Meta ishte kryeministër.

Jemi dhunuar dhe persekutuar nga policia e Ilir Metës, kam qenë i shtruar 2 javë në spital se policia e Edmond Kosenit më ka dhunuar dhe kam brinjë te krisura. Si do e harrojnë demokratët bllokun e Ilir Metës?

Si do e harrojnë demokratët tradhtinë që ndodhi nga Meta. Si ka mundësi që në 2013 me një ngjalë, Meta iku tek Rama? Meta miratoi reformën territoriale, më e keqja për popullin shqiptar.

Miratoi 8 ligjet e reformës në drejtësi që sot është në dorën e Ramës. Meta i ka shërbyer me një devotshmëri të jashtëzakonshme Ramës, duke i dhënë gjithë pushtetin”, tha ai./ CNA.al

 

 

 





Lajmet e fundit nga